Welcome to Fundayforum.com - Pakistani Urdu Community Forum

Guest Image

Welcome to Fundayforum.com - Pakistani Urdu Community Forum, like most online communities you must register to view or post in our community, but don't worry this is a simple free process that requires minimal information for you to signup. Be apart of Fundayforum.com - Pakistani Urdu Community Forum by signing in or creating an account via default Sign up page or social links such as: Facebook, Twitter or Google.

  • Start new topics and reply to others
  • Subscribe to topics and forums to get email updates
  • Get your own profile page and make new friends
  • Send personal messages to other members.
  • Upload or Download IPS Community files such as:  Applications, Plugins etc.
  • Upload or Download your Favorite Books, Novels in PDF format. 

  • Radio

    Online Radio Pakistan

FDF Members Poetry

  • entries
    142
  • comments
    113
  • views
    11,867

Contributors to this blog

About this blog

Welcome to Members Poetry Blog. Important: Only More than 200 posts members can add entries in this blog. Regular member rank can only comment in this blog. Please do not share anything else except poetry. Thanks  Keep sharing at fundayforum.com  Have Fun !

 

شاعری

شاعری بھی بارش ہے
جب برسنے لگتی ہے ۔۔
سوچ کی زمینوں کو رنگ بخش دیتی ہے۔۔۔
لفظ کو معانی کے ڈھنگ بخش دیتی ہے۔۔۔
نِت نئے خیالوں کی کونپلیں نکلتی ہیں۔۔۔
اور پھر روانی پر یوں بہار آتی ہے۔۔۔
جیسے ٹھوس پربت سے گنگناتی وادی میں آبشار آتی ہے۔۔
شاعری بھی بارش ہے۔۔۔
اُن دلوں کی دھرتی پر ۔۔۔
غم کی آگ نے جن کوراکھ میں بدل ڈالا۔۔
ذہن و دل کا ہرجذبہ جیسے خاک کرڈالا۔۔
ایسی سرزمینوں پر۔۔۔
 بارشیں برسنے سے فرق کچھ نہیں پڑتا 

Entries in this blog

Hareem Naz

...........

          کیا عجب کھیل ترے ، گردشِ دوراں دیکھے
          کچے دھاگوں کی طرح ٹوٹتے پیماں دیکھے

                              تھا جنہیں زعم کہ مضبوط ہیں پربت کی طرح
                              ٹوٹ کر ایسے  بکھرتے  یہاں  انساں دیکھے

         سر میں سودا تھا، بہت مال و گہر رکھتے ہیں
         وقت بدلا تو ۔۔۔۔ وہی بے سر و ساماں دیکھے

                           پھر زمیں تنگ ہوئی پھر ہوئی گردش میں حیات
                           تیرے تیور جو بدلتے  ۔۔۔۔۔۔۔ مرے جاناں دیکھے

          تو اگر میرا نہیں ۔۔۔۔۔۔۔ خود کو ترے نام کروں
          حدِ امکاں سے پرے ۔۔۔۔۔ اور ہی امکاں دیکھے

                           تم کو پا لیتے ۔۔۔۔۔۔ مگر راہ تھی دشوار بہت
                           راستے جو بھی چنے ہم نے، وہ آساں دیکھے

         ہم کو تھے زہرِ ہلاہل ۔۔۔۔۔۔ سبھی تریاق یہاں
         درد کو حد سے بڑھاتے ہوئے درماں دیکھے

                           خواب کچھ ایسے بُنے ، ترسے جو تعبیروں کو
                           گیت کچھ لکھے ، سو بِکتے یہاں ارزاں دیکھے

 

             

Hareem Naz

تُم کو بھی خبر ھوگی
آنسوؤں کی جھیلوں کے سُرمئی کناروں پر
نیند کے پرندوں کی ڈار آ نہیں سکتی !

ھجر کی مُسافت میں پاؤں ٹوٹ جائیں تو
وصل کے دیاروں کو خواب بھی نہیں جاتے

دل میں نارسائی کا
شور گُونجتا ھو تو جلتی بُجھتی
آنکھوں سے کون خواب دیکھے گا!

تم کو بھی خبر ھوگی
وصل کی تمنا جب
تیرگی میں سوتی ھے
آنکھ جاگ جاتی ھے!

خواب رنگ کچے ھیں
آنکھ بہنے لگتی ھے، رنگ دُھلنے لگتے ھیں

خواب اور اُمیدیں
ساتھ چھوڑ جائیں تو زندگی نہیں چلتی

تُم کو بھی خبر ھوگی
تُم کو ھم بتائیں کیا !!

Screenshot_20180115_145830.png

Hareem Naz

آہ۔۔۔۔۔یہ زندگی۔۔۔!!
زندگی بہت سے رنگوں سے واقف کرواتی ہے کبھی شعلہ بن کر جلا دیتی ہے تو کبھی شبنم سی نرمی اور ٹھنڈک دیتی ہے تو کبھی شفاف صبح کی طرح روشن روشن ہو کر امید کے دروازے وا کرتی ہے.....
جب بھی خوشگوار موڈ میں ہوں تو انسان کو جھومنے پر مجبور کرے گی جب اداس ہوں تو رگ وپے میں درد بھردے گی....
اس طرح کے اداسی اور سرور کے کھیل میں کون کس کو کیا دے رہا
انسان زندگی کو کہ زندگی انسان کو...
کون لے رہا کون دے رہا...نہ دینے والے کا پتہ نہ لینے والے کا.....بس دونوں ہی گمنام راہ کے اجنبی مسافر کی طرح ایک دوسرے کو متعارف کرواتے گزر رہے ہیں.....کوئی کسی کو منزل نہیں دکھاتا ہے ہر ایک بس تلاش ِ منزل ہے اور راہیگزر کے ساتھی....انسان زندگی کو متاع سمجھے ہوئے زندگی انسان کو....دونوں ایک دوسرے کی دسترس سے آزاد بھی ہے مقید بھی
یہ ہے تو وہ نہیں وہ ہے تو یہ نہیں
دونوں ایک دوسرے کو لازم وملزوم ہے.......!!!!
کب تک ساتھ ہیں....اور کب سے...کوئی نہیں جانتا
میں اپنی گاڑی میں سوار روڈ پر تیز دوڑتی کار کے ساتھ میرے تخیل کی پرواز تھی اور شفاف سڑک ایک اسپیڈ بریکر کا جھٹکا اور جیسے ہوش آیا تو سامنے بڑا سی لاری ہے اگر سائیڈ میں کوئی اور گاڑی ہوتی اور سائیڈ لینے جگہ نہ ہوتی تووووووو۔۔۔۔

ساری زندگی کا فلسفہ سمجھ آگیا کہ ۔۔۔اس ڈو اینڈ ٹیک میں صرف ایک جھٹکے کا فاصلہ ہے۔۔۔اور کچھ نہیں۔۔۔۔۔۔!!!

دونوں ایک دوسرے کی نازبرداری صرف موت تک کر رہے ہیں جوں ہی موت سر پر کھڑی ہوگی۔۔۔۔۔اور سب ختم۔۔۔۔پس آچانک موت کی بہت یاد ائی اس لئے نہیں کہ زندگی سے مایوس ہوں اس لئے کہ احتساب اج بہت دن بعد کیا خود کا۔۔۔
----💖💖

Hareem Naz

Dukh dard

ﺩﮐﮫ ﺩﺭﺩ ﺳﯽ ﻣﯿﺮﮮ ﻣﻘﺪﺭﺍﮞ ﻭﭺ
ﻣﯿﮟ ﺷﮑﻮﮦ ﮐﺮ ﮐﮯ ،،،، ﮐﯽ ﮐﺮﺩا 

ﺟﺪﻭﮞ ،،،،،، ﻣﯿﻨﻮﮞ ﺟﯿﻨﺎ ﻧﺌﯿﮟ آیا
ﻣﯿﮟ ﻣﻮﺕ ﻭﯼ ﻣﻨﮓ ﮐﮯ ﮐﯽ ﮐﺮﺩا 

ﺟﺪ ﺍﻧﺖ ﺟﺪﺍﺋﯿﺎﮞ ،،،، ﭘﯿﻨﯿﺎﮞ ﺳﯽ
ﺗﯿﺮﺍ ﺳﺎﺗﮫ ﻭﯼ ﻣﻨﮓ ﮐﮯ ﮐﯽ ﮐﺮﺩا 

ﺗﻮﮞ ﭘﯿﺎﺭ ﺩﯼ ﮐﺸﺘﯽ ﮈﻭﺏ ﭼﮭﮉﯼ
ﻣﯿﮟ کلا ﺗﺮ ﮐﮯ ۔۔۔۔،،،،، ﮐﯽ ﮐﺮﺩا 

ﺟﺪ ﺗﻮﮞ ﮨﯽ ﺍﺗﮭﺮﻭ ﭘﻮﻧﺠﮯ ﻧﺌﯿﮟ
ﻣﯿﮟ ﺍﮐﮭﯿﺎﮞ ﺑﮭﺮ ﮐﮯ ﮐﯽ ﮐﺮﺩا 

ﺍﯾﺘﮭﮯ ﻟﮑﮭﺎﮞ ﻋﺎﺷﻖ ﭘﮭﺮﺩﮮ ﻧﯿﮟ
ﻣﯿﮟ ﻭﯼ ﻋﺎﺷﻖ ﺑﻦ ﮐﮯ ﮐﯽ ﮐﺮﺩا 

ﺍﻭ ﺟﺎﻧﺪﯼ ﻭﺍﺭﯼ ،،،، ﭘﻠﭩﯿﺎ ﻧﺌﯿﮟ
ﻣﯿﮟ ﮨﺘﮫ ﻭﯼ ﮨﻼ ﮐﮯ ﮐﯽ ﮐﺮﺩا

 

Hareem Naz

behtr

ﯾُﻮﮞ ﮐﺴﯽ ﺑﻨﺪﮦﺀِ ﺍﺑﺘَﺮ ﮐﻮ_____ﻧﮧ ﮐَﮩِﯿﺌﮯ ﮐﻤﺘَﺮ
ﮐﯿﺎ ﻋﺠﺐ ﺣَﺸﺮ ﮐﮯ ﺩِﻥ ﺁﭖ ﺳﮯ ﺑﮭﯽ ﺑﮩﺘﺮ ﻧﮑﻠﮯ...

Jannat malik

ﺑﺎﺭﺷﻮﮞ ﮐﮯ ﻣﻮﺳﻢ ﻣﯿﮟ
ﻭﻩ ﺟﻮ ﺍﭘﻨﮯ ﮐﻤﺮﮮ ﮐﯽ
ﮐﮭﮍﮐﯿﻮﮞ ﮐﻮ ﺑﻨﺪ ﮐﺮ ﮐﮯ
ﺑﺎﺩﻟﻮﮞ ﮐﮯ ﺟﺎﻧﮯ ﮐﺎ
ﺍﻧﺘﻈﺎﺭ ﮐﺮﺗﮯ ﮬﯿﮟ
ﻭﻩ ﺑﮭﯽ ﺍﮎ ﺯﻣﺎﻧﮯ ﻣﯿﮟ
ﺑﺎﺭﺷﻮﮞ ﮐﯽ ﺑﻮﻧﺪﻭﮞ ﺳﮯ
ﮐﮭﯿﻠﺘﮯ ﺭﮬﮯ ﮬﻮﮞ ﮔﮯ
ﭼﻮﺩﮬﻮﯾﮟ ﮐﯽ ﺭﺍﺗﻮﮞ ﻣﯿﮟ
ﺟﻠﺪ ﺳﻮﻧﮯ ﻭﺍﻟﻮﮞ ﮐﯽ
ﭼﺎﻧﺪﻧﯽ ﺳﮯ ﻣﺎﺿﯽ ﻣﯿﮟ
ﺩﻭﺳﺘﯽ ﺭﮬﯽ ﮬﻮ ﮔﯽ
ﺣﺴﻦ ﻭ ﻋﺸﻖ ﮐﯽ ﺑﺎﺗﯿﮟ
ﺁﺝ ﻭﺍﺳﻄﮯ ﺟﻦ ﮐﮯ
ﮐﭽﮫ ﻭﻗﻌﺖ ﻧﮭﯿﮟ ﺭﮐﮭﺘﯽ
ﺑﮭﻮﻟﮯ ﺑﺴﺮﮮ ﻟﻤﺤﻮﮞ ﻣﯿﮟ
ﭨﻮﭦ ﮐﺮ ﮐﺴﯽ ﮐﻮ
ﻭﻩ ﭼﺎﮬﺘﮯ ﺭﮬﮯ ﮬﻮﮞ ﮔﮯ
ﻭﻩ ﺟﻮ ﺍﭘﻨﮯ ﻏﻢ ﭘﺮ ﺑﮭﯽ
ﺁﻧﮑﮫ ﻧﻢ ﻧﮭﯿﮟ ﮐﺮﺗﮯ
ﮐﻞ ﮐﺴﯽ ﮐﯽ ﺧﺎﻃﺮ ﻭﻩ
ﺧﻮﺏ ﺭﻭ ﭼﮑﮯ ﮬﻮﮞ ﮔﮯ
ﺩﺭﺩ ﺁﺷﻨﺎ ﮬﻮ ﮐﺮ

...ﺍﺷﮏ ﮐﮭﻮ ﭼﮑﮯ ﮬﻮﮞ ﮔﮯ 

www.fundayforum.com 

FB_IMG_1502130965056.jpg

Jannat malik

بڑے انجان موسم میں 
بہت بے رنگ لمحوں میں

بنا آہٹ بنا دستک
بہت معصوم سا سپنا

اُتَر آیا ھے آنکھوں میں 

بنا سوچے بنا سمجھے 
کہا ہے دل نے چپکے سے

ہاں اس معصوم سپنے کو
آنکھوں میں جگہ دے دو 

بنا روکے,  بنا بولے
جھکا دیا ھے سر ہم نے 

مگر تعبیر کیا ہوگی...؟
یہ ہم جانے نا دل جانے

بس معلوم ھے اتنا
کہ دل کے فیصلے اکثر

" ہمیں کم راس آئے ہیں"

www.fundayforum.com 

Jannat malik

اب وہ زیبائشیں کہاں باقی
دل کی فرمائشیں کہاں باقی
یونہی خود ساختہ سا ہنستا ہوں 
ورنہ گنجائشیں کہاں باقی
کوئی کہہ دے تو مسکراتا ہوں
خود میں اب خواہشیں کہاں باقی
دسترس میں حیات ہے لیکن
اس کی آرائشیں کہاں باقی
ساری آلودگی ہے یادوں کی
نئی آلائشیں کہاں باقی
روز و شب آج بھی ہیں پہلے سے
اِن کی پیمائشیں کہاں باقی

www.fundayforum.com 


 

FB_IMG_1500111343161.jpg

Hareem Naz

yaad

یہ جوگرد بادِحیات ہےاس سےاب تک کوئی بچا نہیں

اک تیری یاد کو میں سنبھال سنبھال رکھوں۔

Jannat malik

ﺍﺩﺍﺱ ﺷﺎﻣﻮﮞ ﮐﯽ ﺳﺴﮑﯿﻮﮞ ﻣﯿﮟ
ﮐﺒﮭﯽ ﺟﻮ ﺁﻭﺍﺯ ﻣﯿﺮﯼ ﺳﻨﻨﺎ
ﺗﻮ ﺑﯿﺘﮯ ﻟﻤﺤﻮﮞ ﮐﻮ ﯾﺎﺩ ﮐﺮ ﮐﮯ
ﺍﻧﮩﯽ ﻓﻀﺎﺅﮞ ﻣﯿﮟ ﻟﻮﭦ ﺁﻧﺎ
ﺗﻢ ﺁﯾﺎ ﮐﺮﺗﮯ ﺗﮭﮯ ﺧﻮﺍﺏ ﺑﻦ ﮐﺮ
ﮐﺒﮭﯽ ﻣﮩﮑﺘﮯ ﮔﻼﺏ ﺑﻦ ﮐﺮ
ﻣﯿﮟ ﺧﺸﮏ ﮨﻮﻧﭩﻮﮞ ﺳﮯ ﺟﺐ ﭘﮑﺎﺭﻭﮞ
ﺍﻧﮩﯽ ﺍﺩﺍﺅﮞ ﻣﯿﮟ ﻟﻮﭦ ﺁﻧﺎ
ﻣﯿﺮﯼ ﻭﻓﺎﺅﮞ ﮐﺎ ﭘﺎﺱ ﺭﮐﮭﻨﺎ
ﻣﯿﺮﯼ ﺩﻋﺎﺅﮞ ﮐﺎ ﭘﺎﺱ ﺭﮐﮭﻨﺎ۔۔۔
ﻣﯿﮟ ﺧﺎﻟﯽ ﮨﺎﺗﮭﻮﮞ ﮐﻮ ﺟﺐ ﺍﭨﮭﺎﺅﮞ
ﻣﯿﺮﯼ ﺩﻋﺎﺅﮞ ﻣﯿﮟ ﻟﻮﭦ ﺁﻧﺎ...

www.fundayforum.com 

FB_IMG_1499771331668.jpg

 

 

waqas dar

اتنا آساں کہاں سامانِ بقا ہو جانا
دل میں احساسِ فنا کا بھی فنا ہو جانا

عشق دراصل ہے بے لوث وفا ہو جانا
عشق کی راہ میں خود سے بھی جدا ہو جانا

انکے ماتھے پہ لکیریں نہیں آنے پائیں
انکے ہاتھوں کی لکیروں کی حنا ہو جانا

ہونٹ ناراض تھے، آنکھیں تھیں مجسم الفت
انکے بس میں ہی نہیں مجھ سے خفا ہو جانا

لاکھ کرتی ہو کسی بت کی پرستش دنیا
کیسے ممکن ہے بھلا بت کا خدا ہو جانا

بنتا ہے ایک مرض موت کا باعث ورنہ
ہر مرض کے لئے ممکن ہے شفا ہو جانا

اسکو ایماں کہو یا عشقِ حقیقی جاوید
مرحلہ کوئی ہو راضی برضا ہو جانا

aqal.jpg

Hareem Naz

ﺳُﻨﻮ ﺟﻮ ﻟﻤﺤﮯ ﮨﯿﮟ ﺁﺝ ﺣﺎﺻﻞ

ﺍﻧﮩﯿﮟ ﮨﻤﯿﺸﮧ ﺳﻨﺒﮭﺎﻝ ﺭﮐﮭﻨﺎ ،

ﻭﻓﺎ ﮐﮯ ﮔﻠﺸﻦ ﻣﯿﮟ ﭼﺎﺭﻭﮞ ﺟﺎﻧﺐ

ﺑﮩﺎﺭ ﺭﮐﮭﻨﺎ۔۔۔۔۔۔۔۔۔۔۔۔۔ﻧﮑﮭﺎﺭ ﺭﮐﮭﻨﺎ

ﻣﺤﺒّﺘﻮﮞ ﮐﺎ ﻭﻗﺎﺭ ﺭﮐﮭﻨﺎ ،

ﺟﮩﺎﮞ ﻣﯿﮟ ﮐﺘﻨﮯ ﮨﯽ ﻟﻮﮒ ﺁﺋﮯ

ﺭﮨﮯ، ﺑﺴﮯ ﮨﯿﮟ، ﺍُﺟﮍ ﮔﺌﮯ ﮨﯿﮟ

ﻣﮕﺮ ﯾﮧ ﺟﺬﺑﮯ ﺍﺯﻝ ﺳﮯ ﮨﯿﮟ ﺍﻭﺭ

ﺍﺑﺪ ﺗﻠﮏ ﺑﮭﯽ ﯾﻮﻧﮩﯽ ﺭﮨﯿﮟ ﮔﮯ

ﺗﻢ ﺍﭘﻨﯽ ﺁﻧﮑﮭﻮﮞ ﻣﯿﮟ ﺳﺎﺭﮮ ﺟﺬﺑﻮﮞ ﮐﺎ

ﭘﮩﻠﮯ ﺟﯿﺴﺎ ﮨﯽ ﺟﺎﻝ ﺭﮐﮭﻨﺎ

ﺫﺭﺍ ﯾﮧ ﺳﻮﭼﻮ، ﺑﭽﮭﮍ ﮔﺌﮯ ﺗﻮ

ﮐﮩﺎﮞ ﻣﻠﯿﮟ ﮔﮯ

ﯾﻮﻧﮩﯽ ﺭﮨﯿﮟ ﮔﯽ ﺗﻤﺎﻡ ﺭﺍﮨﯿﮟ

ﻣﮕﺮ ﯾﮧ ﺭﺍﮨﯽ ﻧﮧ ﻣﻞ ﺳﮑﯿﮟ ﮔﮯ ،

ﺑﮩﺎﺭ ﻣﯿﮟ ﺑﮭﯽ ﺧﺰﺍﮞ ﮐﯽ ﺻﻮﺭﺕ

ﻧﮧ ﭘﮭﻮﻝ ﮨﺮ ﺳﻤﺖ ﮐﮭﻞ ﺳﮑﯿﮟ ﮔﮯ ،

ﻧﮧ ﺩﻝ ﮐﻮ ﺍﭘﻨﮯ ﺍُﺩﺍﺱ ﺭﮐﮭﻨﺎ

ﮨﺮ ﺍﯾﮏ ﺟﺬﺑﮯ ﮐﺎ ﭘﺎﺱ ﺭﮐﮭﻨﺎ

ﻣﻠﯿﮟ ﮔﮯ ﺁﺧﺮ ﯾﮧ ﺁﺱ ﺭﮐﮭﻨﺎ

 

FB_IMG_1497593186207.jpg

Zarnish Ali

زمانہ بڑھ کے وہی پیڑ کاٹ دیتا ہے. 
میں جس کی شاخ پہ اک گھونسلہ بناتی ہوں. 

بلقیس خان

تمھاری یاد کا اک دائرہ بناتی ہوں. 
پھر اس میں رہنے کی کوئی جگہ بناتی ہوں. 

وہ اپنے گرد اٹھاتا ہے روز دیواریں. 
میں اس کی سمت نیا راستہ بناتی ہوں. 

زمانہ بڑھ کے وہی پیڑ کاٹ دیتا ہے. 
میں جس کی شاخ پہ اک گھونسلہ بناتی ہوں. 

وہ گھول جاتا ہے نفرت کی تلخیاں آ کر. 
میں چاہتوں کا نیا ذائقہ بناتی ہوں. 

خیال و حرف تغزل میں ڈھال کر بلقیس. 
میں اپنے درد سبھی غزلیہ بناتی ہوں.

 

19105753_1375473909168453_416452918359997158_n.jpg

Hareem Naz

zaroorat

ہمارے بیچ کا رشتہ 
ضرورت کے سوا کچھ بھی نہیں 
ضرورت بات کرنے کی 
ضرورت بات سننے کی 
ضرورت سانس لینے کی 
ضرورت فرصتوں کے وقت کو آسان کرنے کی 
ضرورت کو محبت نام دینے سے 
ہمارے بیچ پھیلی یہ مسافت کم نہیں ہوتی 
یہ اپنا پن فقط بیگانگی پہ دھول جیسا ھے 
میں گھنٹوں بات کرتا ھوں 
تمہارے فرصتوں کے وقت کو آسان کرتا ھوں 
میرا اس پہ یہ دعوی'،کہ مجھے تم سے محبت ہے ،
تمہارا بھی یہی اسرار کہ مجھ سے پیار کرتی ھو 
سو ہم آسانیوں سے جھوٹ کی عادت نبھانے میں 
مہارت سیکھ لیتے ہیں 
ضرورت کو محبت مان لیتے ہیں 
مگر سچ ہے 
ضرورت کی قسم سچ ھے 
ہمارے بیچ کا رشتہ 
شروع دن سے ضرورت ھے

Hareem Naz

خزاؤں کی اداسی ہے جو اب تک دل میں چھپائی ہے
بہاروں کا حسین موسم کہیں سے ساتھ لانا تم
یہ مانا اور بھی تم کو جہاں میں ہیں بہت سے غم
مگر دنیا کے میلوں میں ہمیں بھول مت جانا تم
میرے اشعار ہیں جتنے‘ تمہارے نام کرتا ہوں
غزل میری سنو جب بھی‘ غزل میں ڈوب جانا تم
اگر تم سے کبھی کوئی میرے بارے میں پوچھے تو
فقط اتنی سی خواہش ہے‘ مجھے اپنا بتانا تم
کوئی جب الوداعی موسموں کا ذکر چھیڑے
نمی آنکھوں میں مت رکھنا‘ ہمیشہ مسکرانا تم

Hareem Naz

خزاؤں کی اداسی ہے جو اب تک دل میں چھپائی ہے
بہاروں کا حسین موسم کہیں سے ساتھ لانا تم
یہ مانا اور بھی تم کو جہاں میں ہیں بہت سے غم
مگر دنیا کے میلوں میں ہمیں بھول مت جانا تم
میرے اشعار ہیں جتنے‘ تمہارے نام کرتا ہوں
غزل میری سنو جب بھی‘ غزل میں ڈوب جانا تم
اگر تم سے کبھی کوئی میرے بارے میں پوچھے تو
فقط اتنی سی خواہش ہے‘ مجھے اپنا بتانا تم
کوئی جب الوداعی موسموں کا ذکر چھیڑے
نمی آنکھوں میں مت رکھنا‘ ہمیشہ مسکرانا تم

2017 - 1.jpg

waqas dar

عمر اک خواب سجانے میں گئی
تیری تصویر بنانے میں گئی
کٹ گئی کچھ تو غم ۓ ہجراں میں
اور کچھ ملنے ملانے میں گئی
ایک شعلہ سا کبھی لپکا تھا
زندگی آگ بجھانے میں گئی
ایسے سودے میں تو گھاٹا ہے اگر
آبرو سر کے بچانے میں گئی
تم بھی چاہو تو نہیں بن سکتی
بات جو بات بنانے میں گئی
رہ گئی کچھ تو تیرے سننے میں
اور کچھ اپنی سنانے میں گئی
عمر بھر کی تھی کمائی میری
جو تیرے بام پہ آنے میں گئی
عکس در عکس فقط حیرت تھی
عقل جب آئینہ خانے میں گئی

trap in mirror

Zarnish Ali

بروزِ حشر مِلے گا ضرور صبر کا پھل
یہاں تُو ہو نہ ہو میرا ، وہاں تو ہوگا ہی

اِدھر اُدھر کہیں کوئی نشاں تو ہوگا ہی
یہ رازِ بوسۂ لب ہے، عیاں تو ہوگا ہی

تمام شہر جو دھندلا گیا تو حیرت کیوں؟
دِلوں میں آگ لگی ہے ، دھواں تو ہوگا ہی

بروزِ حشر مِلے گا ضرور صبر کا پھل
یہاں تُو ہو نہ ہو میرا ، وہاں تو ہوگا ہی

یہ بات نفع پرستوں کو کون سمجھائے؟
کہ کاروبارِ جنُوں میں زیاں تو ہو گا ہی

ہم اس اُمید پہ نکلے ہیں جھیل کی جانب
کہ چاند ہو نہ ہو ، آبِ رواں تو ہوگا ہی

مَیں کُڑھتا رہتا ہوں یہ سوچ کر کہ تیرے پاس
فُلاں بھی بیٹھا ہو شاید ، فُلاں تو ہوگا ہی!

یہ بات مدرسۂ دل میں کھینچ لائی مجھے
کہ درس ہو کہ نہ ہو ، امتحاں تو ہو گا ہی

مگر وہ پھول کے مانند ہلکی پُھلکی ھے !
سو اُس پہ عشق کا پتھر گراں تو ہو گا ہی

غزل کے روپ میں چمکے کہ آنکھ سے چھلکے
یہ اندرونے کا دکھ ھے ، بیاں تو ہوگا ہی

بڑی اُمیدیں لگا بیٹھے تھے سو اب "فارس"
ملالِ بے رخئ دوستاں تو ہو گا ہی

18881973_1367494676633043_2181979836688300154_n.jpg

Zarnish Ali

تو ہی بتلا میری یادوں کو بھلانے والے
میں تیری یاد کو اس دل سے بھلاؤں کیسے

عدیم

ٹوٹ جائے نہ بھرم ہونٹ ہلاؤں کیسے
حال جیسا بھی ہے لوگوں کو سناؤں کیسے

خشک آنکھوں سے بھی اشکوں کی مہک آتی ہے
میں تیرے غم کو زمانے سے چھپاؤں کیسے

تیری صورت ہی میری آنکھ کا سرمایہ ہے
تیرے چہرے سے نگاہوں کو ہٹاؤں کیسے

تو ہی بتلا میری یادوں کو بھلانے والے
میں تیری یاد کو اس دل سے بھلاؤں کیسے

پھول ہوتا تو تیرے در پہ سجا بھی رہتا
زخم لے کر تیری دہلیز پہ آؤں کیسے

آئینہ ماند پڑے سانس بھی لینے سے عدیم
اتنا نازک ہو تعلق تو نبھاؤں کیسے

وہ رلاتا ہے رلائے مجھے جی بھر کے عدیم
میری آنکھیں ہے وہ میں اس کو رلاؤں کیسے

 

18739991_1360864253962752_5226772255103832646_n.jpg

waqas dar
کوئی وجد ہے نہ دھمال ہے ترے عشق میں
Koi wajd hy na dhamaal hy tere ishq mai

کوئی وجد ہے نہ دھمال ہے ترے عشق میں
میرا دل وقفِ ملال ہے ترے عشق میں
یہ خواب میں بھی ہے خواب کیف و سرور کا
تیرے عشق کا ہی کمال ہے ترے عشق میں
میں تو نکل ہی جاوں گا وحشتوں کہ حصار سے 
یہ تو سوچنا بھی محال ہے ترے عشق میں
سرِ دشت محوِ تلاشِ منزلِ آگہی 
کوئی آپ اپنی مثال ہے ترے عشق میں
یہ جو راکھ ہوتا ہے پتنگ میرے سامنے 
یہی رنگِ شوقِ وصال ہے ترے عشق میں
تجھے مل کہ خود سے بھی مل رہا ہوں میں شوق سے
میرا خود سے ربط بحال ہے ترے عشق میں
کئی دن سے ہیں میری ہمسفر نئی حیرتیں 
 یہ عروج ہے کہ زوال ہے ترے عشق میں

Kainat Khan

ایک بات بنتی ہے' دوسری نہيں بنتی 
شاعری بنانے سے شاعری نہيں بنتی
پُھول ہونا پڑتا ہے' دُھول ہونا پڑتاہے 
صرف لب ہلانے سے پنکھڑی نہيں بنتی
عشق ہو کہ درویشی' امن و کہ خوں ریزی 
بات جب بگڑ جائے واقعی نہيں بنتی
ایک خاص جنگل سے لکڑیاں چراتے ہیں 
ہر شجر کی ٹہنی سے بانسری نہيں بنتی
اِس قدر تسلسل سے خواب آتے جاتے ہیں 
اِن دنوں ہماری اور نیند کی نہيں بنتی
چاہے کوئی بھی لڑکی جتنی خوبصورت ہو 
جھیل میں اترنے سے جل پری نہيں بنتی
آپ سے گلہ کرنا اور وہ بھی محفل میں 
زیب ہی نہيں دیتا بات بھی نہيں بنتی
آگ ہونا پڑتا ہے ' راکھ ہونا پڑتا ہے 
اُنگلیاں رگڑنے سے روشنی نہيں بنتی
آپ اس قبیلے کے فرد ہی نہيں لگتے 
اس لیے ہماری اور آپ کی نہيں بنتی
تم تو خیر شاعر ہو اور بَلا کے شاعر ہو 
ایک وہ بھی ہیں جن سے بات ہی نہيں بنتی

Zarnish Ali

یعنی یکطرفہ تھا ہمارا عشق؟
ہم نے پالا تھا خواہ مخواہ کا دکھ!!!

شمامہ افق

مختلف ایک ہی سپاہ کا دکھ
اک پیادے کا ایک شاہ کا دکھ!!

منزلوں تک ہمارے ساتھ گیا
مختصر ایک شاہراہ کا دکھ!

دکھ ہمیں اک ادھورے رشتے کا
اسی رشتے سے پھر نبھاہ کا دکھ!!!

یعنی یکطرفہ تھا ہمارا عشق؟
ہم نے پالا تھا خواہ مخواہ کا دکھ!!!

یہ جو شہزادی لینے آئے ہیں
کیسے سمجھیں گے بادشاہ کا دکھ!