www.fundayforum.com

‏تیری صورت کو دیکھ کر مری جاں
خود بخود دل میں پیار اٹھتا ہے
― جون ایلیا

تمہارے بعد بھلا کیا ہیں وعدہ و پیماں
بس اپنا وقت گنوا لوں اگر اجازت ہو

تمہارے ہجر کی شب ہائے کار میں جاناں
کوئی چراغ جلا لوں اگر اجازت ہو

جنوں وہی ہے، وہی میں، مگر ہے شہر نیا
یہاں بھی شور مچا لوں اگر اجازت ہو

کسے ہے خواہشِ مرہم گری مگر پھر بھی
میں اپنے زخم دکھا لوں اگر اجازت ہو

تمہاری یاد میں جینے کی آرزو ہے ابھی
کچھ اپنا حال سنبھالوں اگر اجازت ہو

جون ایلیا

زمانے بھر کو اداس کر کے 
خوشی کا ستیا ناس کر کے 
میرے رقیبوں کو خاص کر کے 
بہت ہی دوری سے پاس کر کے 
تمہیں یہ لگتا تھا 
جانے دیں گے ؟ 
سبھی کو جا کے ہماری باتیں 
بتاؤ گے اور 
بتانے دیں گے ؟ 
تم ہم سے ہٹ کر وصالِ ہجراں
مناؤ گے اور 
منانے دیں گے ؟ 
میری نظم کو نیلام کر کے 
کماؤ گے اور 
کمانے دیں گے ؟

تو جاناں سن لو 
اذیتوں کا ترانہ سن لو

کہ اب کوئی سا بھی حال دو تم 
بھلے ہی دل سے نکال دو تم 
کمال دو یا زوال دو تم 
یا میری گندی مثال دو تم

میں پھر بھی جاناں ۔۔۔۔۔۔۔!
میں پھر بھی جاناں ۔۔۔
پڑا ہوا ہوں ، پڑا رہوں گا 
گڑا ہوا ہوں ، گڑا رہوں گا 
اب ہاتھ کاٹو یا پاؤں کاٹو 
میں پھر بھی جاناں کھڑا رہوں گا

بتاؤں تم کو ؟
میں کیا کروں گا ؟

میں اب زخم کو زبان دوں گا 
میں اب اذیت کو شان دوں گا 
میں اب سنبھالوں گا ہجر والے
میں اب سبھی کو مکان دوں گا
میں اب بلاؤں گا سارے قاصد
میں اب جلاؤں گا سارے حاسد
میں اب تفرقے کو چیر کر پھر 
میں اب مٹاؤں گا سارے فاسد
میں اب نکالوں گا سارا غصہ 
میں اب اجاڑوں گا تیرا حصہ 
میں اب اٹھاؤں گا سارے پردے
میں اب بتاؤں گا تیرا قصہ

مزید سُن لو۔۔۔ 
او نفرتوں کے یزید سن لو

میں اب نظم کا سہارا لوں گا 
میں ہر ظلم کا کفارہ لوں گا 
اگر تو جلتا ہے شاعری سے
تو یہ مزہ میں دوبارہ لوں گا

میں اتنی سختی سے کھو گیا ہوں
کہ اب سبھی کا میں ہو گیا ہوں
کوئی بھی مجھ سا نہی ملا جب 
خود اپنے قدموں میں سو گیا ہوں

میں اب اذیت کا پیر ہوں جی 
میں عاشقوں کا فقیر ہوں جی 
کبھی میں حیدر کبھی علی ہوں 
جو بھی ہوں اب اخیر ہوں جی

میری مستی کو ہے آغوشِ محبّت کی ھوَس
اور نایاب ہے آغوش مِرے ساتھ رھو

اے مِرے ہم نفسانِ روِش نیم شبی
ھوچُکی بادہ سر جوش مِرے ساتھ رھو

بس سُنے جاؤ تُمھاری ھی کہے جاؤں گا
میرے یارو ہمہ تن گوش مِرے ساتھ رھو

خواب کی شب کا ھُوں مَیں ھی تو بس خوش گُفتار
خواب کے شہر میں خاموش مِرے ساتھ رھو

کیا خبر راہ میں مُجھ سے کوئی سر ٹکرا دے
ھوں گے کُچھ اور بھی مدھوش مِرے ساتھ رھو

پی کے آیا تھا مَیں پھر ساتھ تمھارا بھی دیا
میکشو تُم کہ ھو کم نوش مِرے ساتھ رھو

وعدہء شام کا مطلب ہے سَحر کا وعدہ
وہ ہے اِک وعدہ فراموش مِرے ساتھ رھو

تُم مِرے ساتھ رھو مست خیالو تم کو
فِکر فردا نہ غم دوش مِرے ساتھ رھو۔۔۔!

جونؔ ایلیا

جان جاں تجھ کو اب تیری خاطر
یاد ہم کوئی دم نہیں کرتے 

دوسری ہار کی ہوس ہے سو ہم کو
سر تسلیم خم نہیں کرتے 

وہ بھی پڑھتا نہیں ہے اب دل سے
ہم بھی نالے کو نم نہیں کرتے 

جرم میں ہم کمی کریں بھی تو کیوں
تم سزا بھی تو کم نہیں کرتے

جون ایلیاء

اک زخم بھی یاران بسمل نہیں آنے کا
مقتل میں پڑے رہیے قاتل نہیں آنے کا

اب کوچ کرو یارو صحرا سے کہ سنتے ہیں
صحرا میں اب آئندہ محمل نہیں آنے کا

واعظ کو خرابے میں اک دعوت حق دی تھی
میں جان رہا تھا وہ جاہل نہیں آنے کا

بنیاد جہاں پہلے جو تھی وہی اب بھی ہے
یوں حشر تو یاران یک دل نہیں آنے کا

بت ہے کہ خدا ہے وہ مانا ہے نہ مانوں گا
اس شوخ سے جب تک میں خود مل نہیں آنے کا

گر دل کی یہ محفل ہے خرچہ بھی ہو پھر دل کا
باہر سے تو سامان محفل نہیں آنے کا

وہ ناف پیالے سے سرمست کرے ورنہ
ہو کے میں کبھی اس کا قائل نہیں آنے کا

جون_ایلیاء

Kaise apni hansi ko zabt karon
Sun raha hon ki ghir gaya hon mein

Kya bataon ki mar nahin paata
Jeeteji jab se mar gaya hon mein

Ab hai bas apna samna darpaish
Har kisi se guzar gaya hon mein

Wahi naaz-o-ada wahi ghamze
Sar-ba-sar aap par gaya hon mein

Ajab ilzam hon zamane ka
Ki yahan sab ke sar gaya hon mein

Kabhi ḳhud tak pohanch nahin paaya
Jab ki waan umar bhar gaya hon mein

Tum se janan mila hon jis din se
Be-tarah ḳhud se dar gaya hon mein

Koo-e-janan main sog barpa hai
Ki achanak sudhar gaya hon mein

ﻧﻘﺶِ ﮐُﮩﻦ
ﺷﺎﻧﻮﮞ ﭘﮧ ﮐﺲ ﮐﮯ ﺍﺷﮏ ﺑﮩﺎﯾﺎ ﮐﺮﯾﮟ ﮔﯽ ﺁﭖ ؟
ﺭُﻭﭨﮭﮯ ﮔﺎ ﮐﻮﻥ ؟ ﮐﺲ ﮐﻮ ﻣﻨﺎﯾﺎ ﮐﺮﯾﮟ ﮔﯽ ﺁﭖ؟
ﻭﮦ ﺟﺎ ﺭﮨﺎ ﮬﮯ ﺻُﺒﺢِ ﻣُﺤﺒﺖ ﮐﺎ ﮐﺎﺭﻭﺍﮞ
ﺍﺏ ﺷﺎﻡ ﮐﻮ ﮐﮩﯿﮟ ﺑﮭﯽ ﻧﮧ ﺟﺎﯾﺎ ﮐﺮﯾﮟ ﮔﯽ ﺁﭖ
ﺍﺏ ﮐﻮﻥ "ﺧﻮﺩ ﭘﺮﺳﺖ" ﺳﺘﺎﺋﮯ ﮔﺎ ﺁﭘﮑﻮ
ﮐِﺲ " ﺑﮯ ﻭﻓﺎ " ﮐﮯ ﻧﺎﺯ ﺍُﭨﮭﺎﯾﺎ ﮐﺮﯾﮟ ﮔﯽ ﺁﭖ
ﭘﮩﺮﻭﮞ ﺷﺐِ ﻓﺮﺍﻕ ﻣﯿﮟ ﺗﺎﺭﻭﮞ ﮐﻮ ﺩﯾﮑﮫ ﮐﺮ
ﺷﮑﻠﯿﮟ ﻣِﭩﺎ ﻣِﭩﺎ ﮐﮯ ﺑﻨﺎﯾﺎ ﮐﺮﯾﮟ ﮔﯽ ﺁﭖ
ﮔﻤﻨﺎﻡ ﺍﻟﺠﮭﻨﻮﮞ ﻣﯿﮟ ﮔُﺰﺍﺭﯾﮟ ﮔﯽ ﺭﺍﺕ ﺩﻥ
ﺑﯿﮑﺎﺭ ﺍﭘﻨﮯ ﺟﯽ ﮐﻮ ﺟﻼﯾﺎ ﮐﺮﯾﮟ ﮔﯽ ﺁﭖ
ﺍﺏ " ﻟﺬﺕِ ﺳﻤﺎﻋﺖِ ﺭﮬﺮﻭ" ﮐﮯ ﻭﺍﺳﻄﮯ
ﺍُﻭﻧﭽﮯ ﺳُﺮﻭﮞ ﻣﯿﮟ ﮔﯿﺖ ﻧﮧ ﮔﺎﯾﺎ ﮐﺮﯾﮟ ﮔﯽ ﺁﭖ
ﮬﻤﺠﻮﻟﯿﻮﮞ ﮐﻮ ﺍﭘﻨﯽ ﺑﺴﻮﺯِ ﺗﺼﻮﺭﺍﺕ
ﻣﺎﺿﯽ ﮐﮯ ﻭﺍﻗﻌﺎﺕ ﺳُﻨﺎﯾﺎ ﮐﺮﯾﮟ ﮔﯽ ﺁﭖ
ﺍﺏ ﻭﮦ ﺷﺮﺍﺭﺗﻮﮞ ﮐﮯ ﺯﻣﺎﻧﮯ ﮔﺰﺭ ﮔﺌﮯ
ﭼﻮﻧﮑﮯ ﮔﺎ ﮐﻮﻥ ، ﮐِﺴﮑﻮ ﮈﺭﺍﯾﺎ ﮐﺮﯾﮟ ﮔﯽ ﺁﭖ؟
ﻓﺮﻗﺖ ﻣﯿﮟ ﺩﻭﺭِ ﮔﻮﺷﮧ ﻧﺸﯿﻨﯽ ﺑﮭﯽ ﺁﺋﯿﮕﺎ
ﻣِﻠﻨﮯ ﺳﮩﯿﻠﯿﻮﮞ ﺳﮯ ﻧﮧ ﺟﺎﯾﺎ ﮐﺮﯾﮟ ﮔﯽ ﺁﭖ
ﻏﺼﮯ ﻣﯿﮟ ﻧﻮﮐﺮﻭﮞ ﺳﮯ ﺑﮭﯽ ﺍﻟﺠﮭﯿﮟ ﮔﯽ ﺑﺎﺭ ﺑﺎﺭ
ﻣﻌﻤﻮﻟﯽ ﺑﺎﺕ ﮐﻮ ﺑﮭﯽ ﺑﮍﮬﺎﯾﺎ ﮐﺮﯾﮟ ﮔﯽ ﺁﭖ
ﭘﮭﺮ ﺍُﺳﮑﮯ ﺑﻌﺪ ﺍﯾﮏ ﻭﮦ ﻣﻨﺰﻝ ﺑﮭﯽ ﺁﺋﯿﮕﯽ
ﺩِﻝ ﺳﮯ ﻣﺮﺍ ﺧﯿﺎﻝ ﮬﭩﺎﯾﺎ ﮐﺮﯾﮟ ﮔﯽ ﺁﭖ
ﺣﺎﻻﺕِ ﻧﻮ ﺑﮧ ﻧﻮ ﮐﮯ ﻣﺴﻠﺴﻞ ﮬُﺠﻮﻡ ﻣﯿﮟ
ﮐﻮﺷﺶ ﺳﮯ ﺍﭘﻨﮯ ﺟﯽ ﮐﻮ ﻟﮕﺎﯾﺎ ﮐﺮﯾﮟ ﮔﯽ ﺁﭖ
ﺁﺋﮯ ﮔﺎ ﭘﮭﺮ ﻭﮦ ﺩِﻥ ﺑﮭﯽ ﺗﻐﯿﺮ ﮐﮯ ﺩﻭﺭ ﻣﯿﮟ
ﺩﻝ ﻣﯿﮟ ﮐﻮﺋﯽ ﺧﻠﺶ ﮬﯽ ﻧﮧ ﭘﺎﯾﺎ ﮐﺮﯾﮟ ﮔﯽ ﺁﭖ
" ﻧﻘﺶِ ﮐُﮩﻦ " ﮐﻮ ﺩﻝ ﺳﮯ ﻣِﭩﺎﻧﺎ ﮬﯽ ﭼﺎﮨﺌﯿﮯ
ﮔﺰﺭﮮ ﮬُﻮﺋﮯ ﺩِﻧﻮﮞ ﮐﻮ ﺑﮭُﻼﻧﺎ ﮬﯽ ﭼﺎﮨﺌﯿﮯ

اُن کا جواب 
جب آپ کو قریب نہ پایا کروں گی میں
رُوٹھوں گی خود سے، خود کو منایا کروں گی میں
اب میرے آنسوؤں کی پناہیں نہیں رہیں
اب اپنے آنسوؤں کو چھپایا کروں گی میں
رخصت ہوا ہے صبحِ محبت کا کارواں 
اب کس کے پاس شام کو جایا کروں گی میں 
ہاں وہ شرارتوں کے زمانے گزر گئے 
اب حسرتوں کے داغ اُٹھایا کروں گی میں 
مطلب ہی اب نہیں کسی بات سے مجھے
اب بات بات کو نہ بڑھایا کروں گی میں
انجام کے اداس اندھیروں میں بیٹھ کر 
آغاز کے چراغ جلایا کروں گی میں
ہم جھولیوں کو اپنی با سوزِ تصورات 
ماضی کا وقت سنایا کروں گی میں 
حیرت ہے آپ کا مرے بارے میں یہ خیال
دل میں کوئی خلش ہی نہ پایا کروں گی میں
شکلین بنا بنا کے مٹایا کریں گے آپ 
شکلین مٹا مٹا کے بنایا کروں گی میں
حالات سے نباہ، یہ کیا کررہے ہیں آپ
حالات کا مذاق اُڑایا کروں گی میں
کیا ہو گئے ہیں آپ بھی کچھ مصلحت پسند
کیا اب فریبِ ہجر ہی کھایا کروں گی میں 
کیا اِضطرابِ روح بھی برباد ہو گیا 
کیا یوں ہی اپنے دل کو جلایا کروں گی میں
ہے اس روِش کا نام اگر زندگی تو پھر 
خود زندگی کو بحث میں لایا کروں گی میں 
بس آپ ہی نہ دیجیے یہ مشورے مجھے
ہیں اور بھی ستم جو اُٹھایا کروں گی میں
’’نقشِ کہن‘‘کو دل سے مٹایا نہ جائے گا
گزرے ہوئے دنوں کو بُھلایا نہ جائے گا

 

وہی حساب تمنا ہے اب بھی آ جاؤ 
 وہی ہے سر وہی سودا ہے ، اب بھی آ جاؤ

جسے گئے ہوے خود سے ایک زمانہ ہوا 
 وہ اب بھی تم میں بھٹکتا ہے, اب بھی آ جاؤ

وہ دل سے ہار گیا ہے پر اپنی دانست میں 
 وہ شخص اب بھی یگانہ ہے, اب بھی آ جاؤ

میں خود نہیں ہوں کوئی اور ہے میرے اندر 
 جو تم کو اب بھی ترستا ہے, اب بھی آجاؤ

میں یاں سے جانے ہی والا ہوں اب ، مگر اب تک 
 وہی ہے گھر وہی حجرہ ہے ، اب بھی آ جاؤ

وہی کشاکش احساس ہے با ہر لمحہ 
 وہی ہے دل وہی دنیا ہے ،اب بھی آ جاؤ

تمہیں تھا ناز بہت جس کی نام داری پر 
 وہ سارے شہر میں رُسوا ہے اب بھی آ جاؤ

یہاں سے ساتھ ہی خوابوں کے شہر جائیں گے 
 وہی جُنوں، وہی صحرا ہے، اب بھی آ جاؤ

مری شراب کا شہرہ ہے اب زمانے میں
 سو یہ کرم ہے تو کس کا ہے، اب بھی آ جاؤ

یہ طور !جان جو ہے میری بد شرابی کا 
 مجھے بھلا نہیں لگتا ہے، اب بھی آ جاؤ

کسی سے کوئی بھی شکوا نہیں مگر تم سے 
 ابھی تلک مجھے شکوا ہے، اب بھی آ جاؤ

وہ دل کہ اب ہے لُہو تُھوکنا ہُنر جس کا 
 وہ کم سے کم ابھی زندہ ہے ، اب بھی آ جاؤ

نہ جانے کیا ہے کہ اب تک مرا خود اپنے سے
 وہی جو تھا وہی رشتہ ہے، اب بھی آ جاؤ

وجود ایک تماشا تھا ہم جو دیکھتے تھے
 وہ اب بھی ایک تماشا ہے، اب بھی آجاؤ

ابھی صدئے جرس کا نہیں ہوا آغاز 
 غبار ابھی نہیں اُٹّھا ہے، اب بھی آ جاؤ

ہے میرے دل کی گزارش کہ مجھ کو مت چھوڑو
 یہ میری جاں کا تقاضا ہے، اب بھی آ جاؤ

کبھی جو ہم نے بڑے مان سے بسایا تھا
 وہ گھر اجڑنے ہی والا ہے اب بھی آ جاؤ

میں لڑکھڑاتا ہوا موت کی طرف ہوں رواں
 بس آخری ہے جو لمحہ ہے، اب بھی آ جاؤ

وہ جون کون ہے جانے جو کچھ نہیں سنتا
 ہے جانے کون جو کہتا ہے، اب بھی آ جاؤ

باباِ جون

wo koun hai jisey dekha nhi kabhi mainey...

tera khayal to hai par tera wajood nahi.n...

tere liye to ye mehfil sajai thi mainey...

tere adam ko ganwara na tha wajood mera...

so apni baikh kani mein kami na ki mainey...

hai meri zaat sey mansoob sad fasana_e_ishq...

aur ek satar bhi ab tak nahi.n likhi mainey

khud apney ashwa_o_andaaz ka shaheed hon mein...

khud apni zaat sey barti hai berukhi mainey...

merey hareef merey yka taziyon pey nisar...

tmaam umar haleefon sey jang ki mainey...

kharash_e_naghma sey seena chila hoa hai mera...

fugaan k tark na ki naghma parwari mainey...

dawa sey faida maqsood tha hi kab k faqat...

dawa k shok meinseyht tbaah ki mainey...

zbaana zan tha jigar soz tushnagi ka azaab...

so jof_e_seena mein dozakh andail li mainey...

sarvar_e_may pey b ghaliib raha shaoor mera...

k har reayat_e_gham zehen mein rakhi mainey...

gham_e_shaoor koi dam to mujh ko mohlat dey...

tamaam umr jalaya hai apna ji mainey..

ilaaj ye hai k majboor kar diya jaaon...

wagarna yun to kisi ki nahi suni mainey...

raha mein shahid_e_tanha nasheen_e_msand_e_gham...

aur apne karb_e_anaa sey gharaz rakhi mainey...

Jaun Elia

Zaat-dar-zaat hamsafar reh kar,
Ajnabi ajnabi ko bhool geya,

Subh tak vajh-e-jaan-kani thi jo baat,
Main usay shaam hi ko bhool geya,

Ehd-e-vabastagi guzaar ke main,
Vajh-e-wabastagi ko bhool geya,

Sab daleelen to mujh ko yaad rahin,
Behss kya thi ussi ko bhool geya main,

Kyun na ho naaz is zehaanat par,
Ek main har kisi ko bhool geya,

Sab se pur-amn waaqiya hai yeh,
Aadmi aadmi ko bhool geya,

Qehqaha maartay hi deewana,
Har gham-e-zindagi ko bhool geya,

Kya qayamat hui agar ik shakhss,
Apni khush-qismati ko bhool geya,

Sab buray mujh ko yaad rehte hain,
Jo bhalaa tha usii ko bhool geya,

Un se vaada to kar liya lekin,
Apni kam-fursati ko bhool geya,

Khawb-ha-khawb jis ko chaha tha,
Rang-ha-rang ussi ko bhool geya,

Bastiyo ab to rasta dedo,
Ab to main us gali ko bhool geya,

Us ne goya mujhi ko yaad rakha,
Main bhi goya usi ko bhool geya,

Yaani tum woh ho waqeyi ? Hadh hai,
Main to sach-much sabhi ko bhool geya,

Ab to har baat yaad rehti hai,
Ghaliban main kisi ko bhool geya,

Us ki khushiyon se jalne wala Jaun,
Apni eeza-dahi ko bhool geya..

Zabt kar ke hansi ko bhool geya..

ہیں دلیلیں تیرے خلاف مگر
 سوچتا ہوں تیری حمایت میں

روح نے عشق کا فریب دیا
 جسم کو جسم کی عداوت میں

اب فقط عادتوں کی ورزش ہے
 روح شامل نہیں شکایت میں

عشق کو درمیاں نہ لاؤ کہ میں
 چیختا ہوں بدن کی عسرت میں

یہ کچھ آسان تو نہیں ہے کہ ہم
 روٹھتے اب بھی ہیں مروت میں

وہ جو تعمیر ہونے والی تھی
 لگ گئی آگ اس عمارت میں

اپنے حجرہ کا کیا بیاں کہ یہاں
 خون تھوکا گیا شرارت میں

وہ خلا ہے کہ سوچتا ہوں میں
 اس سے کیا گفتگو ہو خلوت میں

زندگی کس طرح بسر ہو گی
 دل نہیں لگ رہا محبت میں

وادی غم کے خوش خرام ، خوش نفسان تلخ جام
نغمہ زناں ، نوازناں ، نعرہ زناں گزر گئے

سوختگاں کا ذکر کیا، بس یہ سمجھ کہ وہ گروہ
صر صر بے اماں کے ساتھ ، دست فشاں گزر گئے

زہر بہ جام ریختہ، زخم بہ کام بیختہ
عشرتیان رزق غم ، نوش چکاں گزر گئے

اس در نیم وا سے ہم حلقہ بہ حلقہ صف بہ صف
سینہ زناں گزر گئے ، جامہ وراں گزر گئے

ہم نے خدا کا رد لکھا نفی بہ نفی لا بہ لا!
ہم ہی خدا گزیدگاں تم پہ گراں گزر گئے

اس کی وفاکے باوجود اس کو نہ پا کے بد گماں
کتنے یقیں بچھڑ گئے ، کتنے گماں گزر گئے

مجمع مہ وشاں سے ہم زخم طلب کے باوجود
اپنی کلاہ کج کیے ، عشوہ کناں گزر گئے

خود نگران دل زدہ ، دل زدگان خود نگر!
کوچہ ءِ التفات سے خود نگراں گزر گئے

اب یہی طے ہوا کہ ہم تجھ سے قریب تر نہیں
آج ترے تکلفات دل پہ گراں گزر گئے

رات تھی میرے سامنے فرد حساب ماہ و سال
دن ، مری سرخوشی کے دن، جانے کہاں گزر گئے

کیا وہ بساط الٹ گئی، ہاں وہ بساط الٹ گئی
کیا وہ جواں گزر گئے ؟ ہاں وہ جواں گزر گئے

جون ایلیا

Teri misaal de ke hum teri misaal ho gaye

Saya E zaat say bhi rum, aks E sifaat se bhi rum
Dasht E ghazal main aa ke dekh hum to ghazaal ho gaye

Kitne hi nashsha-ha-E-zouq, kitne hi jazba-ha-E-shouq
Rasm E tapaak E yaar se ru ba zawaal ho gaye

Ishq hai apna paidaar, us ki wafa hai ustawaar
Hum to halaak e warzish E farz E mahaal ho gaye

Kaise zameeN parast the ahd E wafa ke paasdaar
UR kar bulandyun meiN hum, Gard E malaal ho gaye

Qurb E jamaal aur hum, Aish E wisaal aur hum ?
HaaN ye hua K sakin E shahr E jamaal ho gaye

Jadaa E shouq main paRa Qahat E ghubar E karwaN
WaaN ke shajar to sar ba sar dast E sawaal ho gaye

Kaun sa qafila hai yeh jis ke jaras ka hai yeh shor
Main to niDhal hogaya hum to niDhal hogaye

khaar ba khaar gul ba gul, fasl E bahaar aa gayi
Fasl E bahaar aa gayi , zakhum bahaal ho gaye

Shor uTha magar tujhy lazat E gosh to milii
Khoon bahaa magar teray hath to laal ho gaye

Hum nafasaan E waz’a-daar, mustam’aaan E burd baar
Hum to tumharay waastay ek wabaal ho gaye

‘Joan’ karoge kab talak apna misalia talash
Ab kayi hijr hogaye, ab kayi saal hogaye......

ہم تو جیسے وہاں کے تھے ہی نہیں
بےاماں تھے، اماں کے تھے ہی نہیں

ہم کہ ہیں تیری داستاں یکسر
ہم تیری داستاں کے تھے ہی ںہیں

ان کو آندھی میں ہی بکھرنا تھا
بال و پر آشیاں کے تھے ہی نہیں

اب ہمارا مکان کس کا ہے؟
ہم تو اپنے مکاں کے تھے ہی نہیں

ہو تیری خاکِ آستاں پہ سلام
ہم تیرے آستاں کے تھے ہی نہیں

ہم نے رنجش میں یہ نہیں سوچا
کچھ سخن تو زباں کے تھے ہی نہیں

دل نے ڈالا تھا درمیاں جن کو
لوگ وہ درمیاں کے تھے ہی نہیں

اس گلی نے یہ سن کے صبر کیا
جانے والے یہاں کے تھے ہی نہیں
جون ایلیا

ٹھیک ہے خود کو ہم بدلتے ہیں
شکریہ مشورت کا چلتے ہیں

ہو رہا ہوں میں کس طرح برباد
دیکھنے والے ہاتھ ملتے ہیں

کیا تکلف کریں‌ یہ کہنے میں
جو بھی خوش ہے ہم اس سے جلتے ہیں

ہے اُسے دُور کا سفر درپیش
ہم سنبھالے نہیں سنبھلتے ہیں

تم بنو رنگ، تم بنو خوش بُو
ہم تو اپنے سخن میں‌ ڈھلتے ہیں

ہے عجب فیصلے کا صحرا بھی
چل نہ پڑیے تو پائوں جلتے ہیں

اب وہ گھر اک ویرانہ تھا بس ویرانہ زندہ تھا
سب آنکھیں دم توڑ چکی تھیں اور میں تنہا زندہ تھا

ساری گلی سنسان پڑی تھی باد فنا کے پہرے میں
ہجر کے دالان اور آنگن میں بس اک سایہ زندہ تھا

وہ جو کبوتر اس موکھے میں رہتے تھے کس دیس اڑے
ایک کا نام نوازندہ تھا اور اک کا بازندہ تھا

وہ دوپہر اپنی رخصت کی ایسا ویسا دھوکا تھی
اپنے اندر اپنی لاش اٹھائے میں جھوٹا زندہ تھا

تھیں وہ گھر راتیں بھی کہانی وعدے اور پھر دن گننا
آنا تھا جانے والے کو جانے والا زندہ تھا

دستک دینے والے بھی تھے دستک سننے والے بھی
تھا آباد محلہ سارا ہر دروازہ زندہ تھا

پیلے پتوں کو سہ پہر کی وحشت پرسا دیتی تھی
آنگن میں اک اوندھے گھڑے پر بس اک کوا زندہ تھا

(جون ایلیاء)

K us gali mein gaye ab zamaane hogaye hiaN

Tum apne chaahne waloN ki baat mat suniyo!

Tumhaare chaahne waale diwaane hogaye haiN

Wo zulf, dhup mein furqat ki ayi hai jab yad

To baadal aye haiN aur shamiyaane hogaye haiN

Jo apne taur se hum ne kabhi guzaare the

Wo subh-o-shaam to jaise fasaane hogaye haiN

Ajab mahak thi mere gul tere shabishtaaN ki

So bulbuloN ke wahaaN aashiyaane hogaye haiN

Hamaare baad jo aayeiN unhein mubarak ho

JahaaN the kunj wahaaN kaarkhane hogaye haiN....

عمر گزرے گی امتحان میں کیا
داغ ہی دیں گے مجھ کو دان میں کیا
مری ہر بات بے اثر ہی رہی
نَقص ہے کچھ مرے بیان میں کیا
مجھ کو تو کوئی ٹوکتا بھی نہیں
یہی ہوتا ہے خاندان میں کیا
خود کو دنیا سے مختلف جانا
آگیا تھا مرے گمان میں کیا
ہے نسیمِ بہار گرد آلود
خاک اڑتی ہے اس مکان میں کیا
یوں جو تکتا ہے آسمان کو تُو
کوئی رہتا ہے آسمان میں کیا
یہ مجھے چین کیوں نہیں پڑتا
ایک ہی شخص تھا جہاں میں کیا

جون ایلیا

فرش پر کاغذ اڑتے پھرتے ہیں‌
میز پر گرد جمتی جاتی ہے

سوچتا ہوں کہ اس کی یاد آخر
اب کسے رات بھر جگاتی ہے

سوگئے پیڑ جاگ اٹھی خوشبو
زندگی خواب کیوں‌ دکھاتی ہے

آپ اپنے سے ہم سخن رہنا
ہمنشیں! سانس پھول جاتی ہے

کیا ستم ہے کہ اب تِری صورت
غور کرنے پہ یاد آتی ہے

کون اس گھر کی دیکھ بھال کرے
روز ایک چیز ٹوٹ جاتی ہے
 جون ایلیا

۔۔۔۔۔۔۔۔۔۔۔۔۔۔۔۔۔۔۔

لمحے کو بےوفا سمجھ لیجئے
جاودانی ادا سمجھ لیجئے
میری خاموشئ مسلسل کو
اِک مسلسل گِلہ سمجھ لیجئے
آپ سے میں نے جو کبھی نہ کہا
اُس کو میرا کہا سمجھ لیجئے
جس گلی میں بھی آپ رہتے ہوں
واں مجھے جا بہ جا سمجھ لیجئے
آپ آ جایئے قریب مرے
مجھ کو مجھ سے جُدا سمجھ لیجئے
جو نہ پہنچائے آپ تک مجھ کو
آپ اُسے واسطہ سمجھ لیجئے
نہیں جب کوئی مدعا میرا
کوئی تو مدعا سمجھ لیجئے
جو کبھی حالِ حال میں نہ چلے
اُس کو بادِ صبا سمجھ لیجئے
جو کہیں بھی نہ ہو، کبھی بھی نہ ہو
آپ اُس کو خدا سمجھ لیجئے

…………………

ایک ہی حادثہ تو ہے، اور وہ یہ کہ آج تک
بات نہیں کہی گئی، بات نہیں سنی گئی

بعد بھی تیرے جانِ جاں، دل میں رہا عجب سماں
یاد رہی تری یہاں، پھر تری یاد بھی گئی

صحنِ خیالِ یار میں، کی نہ بسر شبِ فراق
جب سے وہ چاندنہ گیا، جب سے وہ چاندنی گئی

اس کے بدن کو دی نمود، ہم نے سخن میں اور پھر
اس کے بدن کے واسطے، ایک قبا بھی سی گئی

اس کی امیدِ ناز کا، ہم سے یہ مان تھا کہ آپ
عمر گزار دیجیے، عمر گزار دی گئی

اس کے وصال کے لیے، اپنے کمال کے لیے
حالتِ دل کہ تھی خراب، اور خراب کی گئی

تیرا فراق جانِ جاں، عیش تھا کیا مرے لیے
یعنی ترے فراق میں، خوب شراب پی گئی

اس کی گلی سے اٹھ کے میں، آن پڑا تھا اپنے گھر
ایک گلی کی بات تھی، اور گلی گلی گئی

جون ایلیا

۔۔۔۔۔۔۔۔۔۔۔۔۔۔۔۔