تجھ کو یقین آئے نہ آئے یہ اور بات 
میں تجھ سے دور رہ کے بھی تیرے ہی پاس ہوں

ممکن کہاں ہے تجھ سے جدائی متاعِ جاں
تو ہے مرا لباس میں تیرا لباس ہوں

Sad Poetry in Urdu for life

دماغ ایک بھیڑیا ھے روح بھیڑ ھے اور ایمان چرواہا ھے اور

اگر چرواہا مضبوط نہیں ھے تو بھیڑیا بھیڑ کو کھا جاتا ھے۔

مجھ کو حالات نے مارا ہے مکمل کر کے

جانب شہر فقیروں کی طرح کوہ گراں

پھینک دیتا ہے بخارات کو بادل کر کے

جل اٹھیں روح کے گھاؤ تو چھڑک دیتا ہوں

چاندنی میں تری یادوں کی مہک حل کر کے

دل وہ مجذوب مغنی کہ جلا دیتا ہے

ایک ہی آہ سے ہر خواب کو جل تھل کر کے

جانے کس لمحۂ وحشی کی طلب ہے کہ فلک

دیکھنا چاہے مرے شہر کو جنگل کر کے

یعنی ترتیب کرم کا بھی سلیقہ تھا اسے

اس نے پتھر بھی اٹھایا مجھے پاگل کر کے

عید کا دن ہے سو کمرے میں پڑا ہوں اسلمؔ

اپنے دروازے کو باہر سے مقفل کر کے

ہر خسارے کو سوچ رکھا تھا
میں بہت فائدے میں رہ گیا ہوں

سر جھٹکنے سے کچھ نہیں ہوگا
 میں ترے حافظے میں رہ گیا ہوں

گم ہوا تھا کسی پڑاؤ میں
 دوسرے قافلے میں رہ گیا ہوں

میں جری تو عدو سے کم نہیں تھا
بس ذرا تجربے میں رہ گیا ہوں

میں کسی داستاں سے ابھروں گا
میں کسی تذکرے میں رہ گیا ہوں

ہے عجیب و غریب رعنائی

ہے عجیب و غریب رعنائی

خود تماشا ہوں، خود تماشائی

ایک ہی موج کا تسلسل ہیں

تیری گیرائی، میری گہرائی

دوستا عشق سے بنا کے رکھ

کام آئے گی یہ شناسائی

میں تو ہنستا ہوں اس خرابے پر

تجھے کس بات پر ہنسی آئی

تم نہیں جانتے خدا کا حال

تم پہ بیتی نہیں ہے یکتائی

خود مجھے بھی قبول کرتی نہیں

میری خلوت پسند تنہائی

خود کو عورت کی آنکھ سے دیکھا

اور اک رمز کی سمجھ آئی

کتنی صوفی سرشت تھی وہ آگ

جو مجھے جسم سے اٹھا لائی

جانے کن منظروں کو روتی ہے

یہ غریب الدیار بینائی

صاحبو ایک تھا علی زریون

ویسا کافر نہ پھر ہوا بھائی

کوئی مل ہی جائے گا

اگر تلاش کروں کوئی مل ہی جائے گا

مگر تمہاری طرح کون مجھ کو چاہے گا

تمہیں ضرور کوئی چاہتوں سے دیکھے گا

مگر وہ آنکھیں ہماری کہاں سے لائے گا

نہ جانے کب ترے دل پر نئی سی دستک ہو

مکان خالی ہوا ہے تو کوئی آئے گا

میں اپنی راہ میں دیوار بن کے بیٹھا ہوں

اگر وہ آیا تو کس راستے سے آئے گا

تمہارے ساتھ یہ موسم فرشتوں جیسا ہے

تمہارے بعد یہ موسم بہت ستائے گا

اے رات کے راھی چاند سنو

اے رات کے راھی چاند سنو
میرا ایک ضروری کام کرو 
من میت کے شہر میں جانا تم
اسے میرا حال سنانا تم

میں ھر شب تم کو تکتی ھوں
کیا وہ بھی رات کو سوتے وقت
کچھ تم سے باتیں کرتا ھے 

کیا میری سونی آنکھوں کے
پیغام کبھی وہ پڑھتا ھے 

اے رات کے راھی اس سے کہو کہ
،اس دل کو اک پل چین نھیں

کیوں پریت کے بندھن باندھے تھے 
کیوں آس کے پھول تھمائے تھے 
وہ قسمیں وعدے بھول گئے 
کیوں ساجن ھم سے روٹھ گئے

ھم تم بن جی نہ پائینگے
،یہ رشتے توڑ نہ پائینگے
اے چاند اسے یہ کہنا تم کہ
آنکھیں اشک بہاتی ھیں

یہ ھجر ھراساں کرتا ھے
میں راہ تمھاری تکتی ھوں

اور بے کل بےکل پھرتی ھوں
ھر ھر دن جیتی مرتی ھوں

اے چاند جب لوٹ کے آنا تم
اسے میر ے پاس لے آنا تم

جو ہیں مظلوم

جو ہیں مظلوم ان کو تو تڑپتا چھوڑ دیتے ہیں

یہ کیسا شہر ہے ظالم کو زندہ چھوڑ دیتے ہیں

انا کے سکے ہوتے ہیں فقیروں کی بھی جھولی میں

جہاں ذلت ملے اس در پہ جانا چھوڑ دیتے ہیں

ہوا کیسا اثر معصوم ذہنوں پر کہ بچوں کو

اگر پیسے دکھاؤ تو کھلونا چھوڑ دیتے ہیں

اگر معلوم ہو جائے پڑوسی اپنا بھوکا ہے

تو غیرت مند ہاتھوں سے نوالہ چھوڑ دیتے ہیں

مہذب لوگ بھی سمجھے نہیں قانون جنگل کا

شکاری شیر بھی کوؤں کا حصہ چھوڑ دیتے ہیں

پرندوں کو بھی انساں کی طرح ہے فکر روزی کی

سحر ہوتے ہی اپنا آشیانہ چھوڑ دیتے ہیں

تعجب کچھ نہیں داناؔ جو بازار سیاست میں

قلم بک جائیں تو سچ بات لکھنا چھوڑ دیتے ہیں

روگ دل کو لگا گئیں آنکھیں 
اک تماشا دکھا گئیں آنکھیں 

مل کے ان کی نگاہ جادو سے 
دل کو حیراں بنا گئیں آنکھیں 

مجھ کو دکھلا کے راہ کوچہء یار 
کس غضب میں پھنسا گئیں آنکھیں 

اس نے دیکھا تھا کس نظر سے مجھے 
دل میں گویا سما گئیں آنکھیں 

محفل یار میں بہ ذوق نگاہ 
لطف کیا کیا اٹھا گئیں آنکھیں 

حال سنتے وہ میرا کیا حسرت 
وہ تو کہئے سنا گئیں آنکھیں 

محرومِ خواب دیدۂ حیراں نہ تھا کبھی
تیرا یہ رنگ اے شبِ ہجراں نہ تھا کبھی

تھا لطفِ وصل اور کبھی افسونِ انتظار
یوں دردِ ہجر سلسلہ جنباں نہ تھا کبھی

پرساں نہ تھا کوئ تو یہ رسوائیاں نہ تھیں
ظاہر کسی پہ حالِ پریشاں نہ تھا کبھی

ہر چند غم بھی تھا مگر احساسِ غم نہ تھا
درماں نہ تھا تو ماتمِ درماں نہ تھا کبھی

دن بھی اُداس اور مری رات بھی اداس
ایسا تو وقت اے غمِ دوراں نہ تھا کبھی

دورِ خزاں میں یوں مرا دل بے قرار ہے
میں جیسے آشناۓ بہاراں نہ تھا کبھی

کیا دن تھے جب نظر میں خزاں بھی بہار تھی
یوں اپنا گھر بہار میں ویراں نہ تھا کبھی

بے کیف و بے نشاط نہ تھی اس قدر حیات
جینا اگرچہ عشق میں آساں نہ تھا کبھی

جو ذرا سی پی کے بہک گیا اسے میکدے سے نکال دو 
یہاں تنگ نظر کا گزر نہیں یہاں اہل ظرف کا کام ہے 

کوئی مست ہے کوئی تشنہ لب تو کسی کے ہاتھ میں جام ہے 
مگر اس پہ کوئی کرے بھی کیا یہ تو میکدے کا نظام ہے 

یہ جناب شیخ کا فلسفہ ہے عجیب سارے جہان سے 
جو وہاں پیو تو حلال ہے جو یہاں پیو تو حرام ہے 

اسی کائنات میں اے جگرؔ کوئی انقلاب اٹھے گا پھر 
کہ بلند ہو کے بھی آدمی ابھی خواہشوں کا غلام ہے

جگر مراد آبادی

درویشیں ہار گئی ہوں

درویشا میں خالی
درویشا میں ہار گئی ہوں
دنیا کالی میں اندر سے خالم خالی

درویشا کوئی ٹونا ، ورد وظیفہ کر
مجھے "م" کرے منظور
مجھے کوئی جاچ سکھا
مرا لوں لوں گھنگرو بن جاوے
مجھے ناچ سکھا

مجھے ایسا ناچ سکھا دے
روح نماز قضا نہ کر پاوے
من یار قضا نہ کر پاوے
یہ کالی دنیا لاکھ کرے تدبیر
فقیر سے یار جدا نہ کر پاوے

مرے درویشا تجھے واسطہ تیرے نینوں کا
جہاں "م" نے ڈیرا ڈالا ہے
ترے دھو دھو پیر پیوں
مجھ کو اُن "مَازَاْغَ البَصَرِیْ" نینوں کا
بس اک جام پلا دے

میں اس دنیا ورگی کالی
وے درویشا میں اندر سے خالم خالی ، نین سوالی
وے میں ہاری تیرے در پر جیتنے آگئی
بھر دے پیاسی روح کی پیالی

میرے خالی پن کو "م" کے رنگ سے بھر دے
وے درویشا تو چمکیلا
روشن ، پیارا ، رنگ رنگیلا
دنیا کالی
اور اک میں اندر سے خالی..!

رانجھا غُنڈے لے آتا تو 
ہِیر کی شادی ٹَل سکتی تھی

سَسّی کے بھی اُونٹ جو ہوتے 
تھَل میں کَیسے جل سکتی تھی

مرزے نے ، کب سوچا تھا کہ 
صاحباں راز اُگَل سکتی تھی

لیلی' کالی پڑھ لِکھ جاتی 
فیئر اینڈ لَولی مَل سکتی تھی

جو پتھّر فرہاد نے توڑے 
جی ٹی روڈ نکل سکتی تھی

انٹرنیٹ پہلے جو ہوتا 
ہِجر کی رات بھی ڈھَل سکتی تھی