درد سے میرے ہے تجھ کو بیقراری ہائے ہائے
 کیا ہوئی ظالم تری غفلت شعاری ہائے ہائے

تیرے دل میں گر نہ تھا آشوب غم کا حوصلہ 
 تو نے پھر کیوں کی تھی میری غم گساری ہائے ہائے

کیوں مری غم خوارگی کا تجھ کو آیا تھا خیال
 دشمنی اپنی تھی میری دوست داری ہائے ہائے

عمر بھر کا تو نے پیمان وفا باندھا تو کیا
 عمر کو بھی تو نہیں ہے پائیداری ہائے ہائے

زہر لگتی ہے مجھے آب و ہوائے زندگی 
 یعنی تجھ سے تھی اسے نا سازگاری ہائے ہائے

گل فشانی ہائے ناز جلوہ کو کیا ہو گیا 
 خاک پر ہوتی ہے تیری لالہ کاری ہائے ہائے

شرم رسوائی سے جا چھپنا نقاب خاک میں 
 ختم ہے الفت کی تجھ پر پردہ داری ہائے ہائے

خاک میں ناموس پیمان محبت مل گئی 
 اٹھ گئی دنیا سے راہ و رسم یاری ہائے ہائے

ہاتھ ہی تیغ آزما کا کام سے جاتا رہا 
 دل پہ اک لگنے نہ پایا زخم کاری ہائے ہائے

کس طرح کاٹے کوئی شب ہائے تار برشگال 
 ہے نظر خو کردۂ اختر شماری ہائے ہائے

گوش مہجور پیام و چشم محروم جمال 
 ایک دل تس پر یہ نا امید واری ہائے ہائے

عشق نے پکڑا نہ تھا غالبؔ ابھی وحشت کا رنگ
 رہ گیا تھا دل میں جو کچھ ذوق خواری ہاے ہائے

مرزا غالب

خار خارِ المِ حسرتِ دیدار تو ہے
شوق گلچینِ گلستانِ تسلّی نہ سہی

مے پرستاں خمِ مے منہ سے لگائے ہی بنے
ایک دن گر نہ ہوا بزم میں ساقی نہ سہی

نفسِ قیس کہ ہے چشم و چراغِ صحرا
گر نہیں شمعِ سیہ خانۂ لیلی نہ سہی

ایک ہنگامے پہ موقوف ہے گھر کی رونق
نوحۂ غم ہی سہی نغمۂ شادی نہ سہی

نہ ستائش کی تمنّا نہ صلے کی پروا
گر نہیں ہیں مرے اشعار میں معنی؟ نہ سہی

عشرتِ صحبتِ خوباں ہی غنیمت سمجھو
نہ ہوئی غالب اگر عمرِ طبیعی نہ سہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Dabooya Mujh Ko Hone Ne, Na Hota Mein To Kia Hota..

Hua Jab Gham Se Yun Be_His To Gham Kia Sar Ke Katne Ka, 

Na Hota Gar Juda Tan Se To Zanoo Par Dhara Hota…

Hui Muddat Ke ‘Ghalib’ Mar Gaya, Par Yaad Aata Hai, 

Wo Har Ek Baat Pe Kehna Ke Yun Hota To Kia Hota…

ﺁﮦ ﮐﻮ ﭼﺎﮨﯿﮯ ﺍِﮎ ﻋُﻤﺮ ﺍﺛﺮ ﮨﻮﻧﮯ ﺗﮏ
ﮐﻮﻥ ﺟﯿﺘﺎ ﮨﮯ ﺗﺮﯼ ﺯُﻟﻒ ﮐﮯ ﺳﺮ ﮨﻮﻧﮯ ﺗﮏ

ﺩﺍﻡِ ﮨﺮ ﻣﻮﺝ ﻣﯿﮟ ﮨﮯ ﺣﻠﻘۂ ﺻﺪ ﮐﺎﻡِ ﻧﮩﻨﮓ
ﺩﯾﮑﮭﯿﮟ ﮐﯿﺎ ﮔُﺰﺭﮮ ﮨﮯ ﻗﻄﺮﮮ ﭘﮧ ﮔُﮩﺮ ﮨﻮﻧﮯ ﺗﮏ

ﻋﺎﺷﻘﯽ ﺻﺒﺮ ﻃﻠﺐ ، ﺍﻭﺭ ﺗﻤﻨّﺎ ﺑﯿﺘﺎﺏ
ﺩﻝ ﮐﺎ ﮐﯿﺎ ﺭﻧﮓ ﮐﺮﻭﮞ ﺧﻮﻥِ ﺟﮕﺮ ﮨﻮﻧﮯ ﺗﮏ

ﮨﻢ ﻧﮯ ﻣﺎﻧﺎ ﮐﮧ ﺗﻐﺎﻓﻞ ﻧﮧ ﮐﺮﻭ ﮔﮯ ، ﻟﯿﮑﻦ
ﺧﺎﮎ ﮨﻮ ﺟﺎﺋﯿﮟ ﮔﮯ ﮨﻢ، ﺗﻢ ﮐﻮ ﺧﺒﺮ ﮨﻮﻧﮯ ﺗﮏ

ﭘﺮﺗﻮِ ﺧُﻮﺭ ﺳﮯ ، ﮨﮯ ﺷﺒﻨﻢ ﮐﻮ ﻓﻨﺎ ﮐﯽ ﺗﻌﻠﯿﻢ
ﻣﯿﮟ ﺑﮭﯽ ﮨﻮﮞ ، ﺍﯾﮏ ﻋﻨﺎﯾﺖ ﮐﯽ ﻧﻈﺮ ﮨﻮﻧﮯ ﺗﮏ

ﯾﮏ ﻧﻈﺮ ﺑﯿﺶ ﻧﮩﯿﮟ ﻓُﺮﺻﺖِ ﮨﺴﺘﯽ ﻏﺎﻓﻞ !
ﮔﺮﻣﺊِ ﺑﺰﻡ ﮨﮯ ﺍِﮎ ﺭﻗﺺِ ﺷﺮﺭ ﮨﻮﻧﮯ ﺗﮏ

ﻏﻢِ ﮨﺴﺘﯽ ﮐﺎ ، ﺍﺳﺪؔ ! ﮐﺲ ﺳﮯ ﮨﻮ ﺟُﺰ ﻣﺮﮒ ، ﻋﻼﺝ
ﺷﻤﻊ ﮨﺮ ﺭﻧﮓ ﻣﯿﮟ ﺟﻠﺘﯽ ﮨﮯ ﺳﺤﺮ ﮨﻮﻧﮯ ﺗﮏ

آ ئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے

حسرت نے لا رکھا تری بزمِ خیال میں
گلدستۂ نگاہِ سویدا کہیں جسے

پھونکا ہے کس نے گوشِ محبت میں اے خدا
افسونِ انتظار، تمنا کہیں جسے

سر پر ہجومِ دردِ غریبی سے ڈالیے
وہ ایک مشتِ خاک کہ صحرا کہیں جسے

ہے چشمِ تر میں حسرتِ دیدار سے نہاں
شوقِ عناں گسیختہ، دریا کہیں جسے

درکار ہے شگفتنِ گلہائے عیش کو
صبحِ بہار پنبۂ مینا کہیں جسے

غالب برا نہ مان جو واعظ برا کہے
ایسا بھی کو ئی ہے کہ سب اچھا کہیں جسے؟

کوئی دن گر زندگانی اور ہے
اپنے جی میں ہم نے ٹھانی اور ہے

آتشِ دوزخ میں یہ گرمی کہاں
سوزِ غم ہاۓ نہانی اور ہے

بارہا دیکھی ہیں ان کی رنجشیں
پر کچھ اب کے سر گرانی اور ہے

دے کے خط منہ دیکھتا ہے نامہ بر
کچھ تو پیغامِ زبانی اور ہے

قاطعِ اعمار ہیں اکثر نجوم
وہ بلاۓ آسمانی اور ہے

ہو چکیں غالب بلائیں سب تمام
ایک مرگِ ناگہانی اور ہے