waqas dar

یہی ایک غم ہے، یہی اک الم ہے
یہی اک الم ہے، یہی ایک غم ہے

مری چشم نم ہے اسی رنج و غم میں
اسی رنج و غم میں مری چشم نم ہے

مجھے دم بدم ہے یہی اک تردد
یہی اک تردد مجھے دم بدم ہے

خفا کیوں صنم ہے نہیں بھید کھلتا
نہیں بھید کھلتا خفا کیوں صنم ہے

خدا کی قسم ہے یہ کہتا ہوں سچ میں
یہ کہتا ہوں سچ میں خدا کی قسم ہے

ستم ہی کرم ہے مجھے اس صنم کا
مجھے اس صنم کا ستم ہی کرم ہے

کیا کب رقم ہے کوئی شکوہ میں نے
کوئی شکوہ میں نے کیا کب رقم ہے

وہ کرتا قلم ہے مرے ہاتھ ناحق
مرے ہاتھ ناحق وہ کرتا قلم ہے

ظفرؔ کیا ستم ہے ہوا دوست دشمن
ہوا دوست دشمن ظفر ؔکیا ستم ہے