Jump to content

Rate this topic

Recommended Posts

Mai Ishq Ki Shidat Sy Pereshan Bohat Hun

میں عشق کی شدت سے پریشان بہت ہوں
اے جاں تری چاہت سے پریشان بہت ہوں

ہاں شورشِ ہجراں سے یہ دل شاد بہت تھا
ہاں وصل کی راحت سے پریشان بہت ہوں

چاہوں تو تجھے چھوڑ دوں میں غیر کی خاطر
بس نکتہ وحدت سے پریشان بہت ہوں

انصاف کی دنیا ہے فقط خواب کی دنیا
یا رب میں حقیقت سے پریشان بہت ہوں

جگنو، یہ چاند، تارے، بہاریں صدایئں دیں
اف، میں تیری شہرت سے پریشان بہت ہوں 

! غنچہ یا کوئی پھول کہوں، پنکھڑی کہوں
ہونٹوں کی نزاکت سے پریشان بہت ہوں

کیوں اے دل کم فہم تو مانے ہے انا کی؟
آمر کی حکومت سے پریشان بہت ہوں

ہر ایک عمل پہ کہے 'یوں تو نہیں، یوں۔۔۔'
ناصح تیری عادت سے پریشان بہت ہوں

لڑکی ہوں، پگھل جاتی ہوں نظروں کی تپش سے
میں حسن کی نعمت سے پریشان بہت ہوں

وہ جان تکلم نہ بنا لے مجھے مداح
اس زور خطابت سے پریشان بہت ہوں

دنیا یہ فقط تجھ پہ جیا! کیوں ہے مہربان
لہجوں کی ملاحت سے پریشان بہت ہوں

Sad-Wallpaper-16.jpg

  • Like 2

Share this post


Link to post
Share on other sites

میری آنکھوں میں آنسو پگھلتا رہا، چاند جلتا رہا
تیری یادوں کا سورج نکلتا رہا، چاند جلتا رہا

کوئی بستر پہ شبنم لپیٹے ہوئے خواب دیکھا کیے
کوئی یادوں میں کروٹ بدلتا رہا، چاند جلتا رہا

میری آنکھوں میں کیمپس کی سب ساعتیں جاگتی ہیں ابھی
نہر پر تو مرے ساتھ چلتا رہا، چاند جلتا رہا

میں تو یہ جانتا ہوں کہ جس شب مجھے چھوڑ کر تم گئے
آسمانوں سے شعلہ نکلتا رہا ، چاند جلتا رہا

رات آئی تو کیا کیا کرشمے ہوئے تجھ کو معلوم ہے؟
تیری یادوں کا سورج اُبلتا رہا ، چاند جلتا رہا

رات بھر میری پلکوں کی دہلیز پر خواب گرتے رہے
دل تڑپتا رہا، ہاتھ ملتا رہا ، چاند جلتا رہا

یہ دسمبر کہ جس میں کڑی دھوپ بھی میٹھی لگنے لگے
تم نہیں تو دسمبر سلگتا رہا، چاند جلتا رہا

آج بھی وہ تقدس بھری رات مہکی ہوئی ہے وصی
 میں کسی میں ، کوئی مجھ میں ڈھلتا رہا ، چاند جلتا رہا

  • Like 1

Share this post


Link to post
Share on other sites
سنو لفظوں کے جادوگر!
محبت تو تمہیں ہر رنگ میں محسوس ہوتی ہے
کبھی وہ رنگ بھی لکھو!
جو تم کو سوچ کر میری نگاہوں میں اترتے ہیں
وہ الفاظ جو دل سے زباں تک آ تو جاتے ہیں 
ادا لیکن نہیں ہوتے
کبھی اس بے بسی کے رنگ کو تصویر کر دو ناں!
مری خاطر اک ایسی نظم بھی تحریر کر دو ناں!
جسے تم کو سناوں تو تمہیں معلوم ہو جائے 
میں کیوں خاموش رہتی ہوں..!

21740702_1421648414614971_8994370115120498270_n.jpg

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

  • Recently Browsing   0 members

    No registered users viewing this page.

  • Forum Statistics

    1,925
    Total Topics
    8,043
    Total Posts
×