Jump to content
Search In
  • More options...
Find results that contain...
Find results in...

Welcome to Fundayforum.com

Take a moment to join us, we are waiting for you.

Rate this topic

Recommended Posts

میڈا عشق وی توںﷺ ، میڈا یار وی توںﷺ
میڈا دین وی توں ﷺ، ایمان وی توں ﷺ

میڈا جسم وی توںﷺ ،میڈا روح وی توںﷺ
میڈا قلب وی توںﷺ ،جِند جان وی توں ﷺ

میڈا قبلہ ، کعبہ ، مسجد، مندر 
مُصحف تے قرآن وی توں ﷺ

میڈے فرض ، فریضے ، حج ، زکاتاں
صوم ،صلوت ، تے ازان وی توںﷺ

میڈی زہد ، عبادت ، طاعت ، تقوٰی
علم وی توںﷺ، عرفان وی توں ﷺ

میڈا زکر وی توںﷺ ، میڈی فکر وی توںﷺ
میڈا زوق وی توںﷺ ، وجدان وی توںﷺ

میڈا سانول ، مٹھڑا ، شام سلونا
من موہن جانان وی توںﷺ

میڈا مُرشد ہادی پیر طریقت 
شیخ حقائق دان وی توںﷺ

میڈی آس اُمید تے کھٹیا وٹیا
تکیہ مان تران وی توں ﷺ

مینڈا دھرم وی توںﷺ ، مینڈا بھرم وی توںﷺ
مینڈا شرم وی توں ﷺ ، مینڈا شان وی توںﷺ

میڈا دکھ ، سُکھ ، روون ،کھلن وی توں ﷺ
میڈا درد وی توں ﷺ، میڈا درمان وی توںﷺ

میڈا خوشیاں دا اسباب وی توں ﷺ
میڈے سُولاں دا سامان وی توںﷺ

میڈا حُسن بھاگ سہاگ وی توں ﷺ
میڈا بخت تے نام نشان وی توں ﷺ

میڈے ٹھڈرے ساہ تے مونجھ مونجھاری
ہنجھڑوں دے طوفان وی توں ﷺ

میڈے تلک ،تلوے ، سیندھاں ، مانگاں
ناز ، نہوڑے ، تان وی توں ﷺ

میڈی میہندی ، کجل ، مساگ وی توں 
میڈی سُرخی ، بیڑا ، پان وی توں

میڈی وحشت ، جوشِ جنون وی توں ﷺ
میڈا گریہ ، آہ ، ٖ فغان وی توں ﷺ

میڈا اول ،آخر ، اندر ، باہر
ظاہر تے پنہان وی توں ﷺ

میڈا بادل ،برکھا ، کِھمناں ،گاجاں 
بارش تے باران وی توں ﷺ

میڈا مُلک ملہیر ، تے مارو تھلڑا
روہی ، چولستان وی توں ﷺ

جے یارﷺ ، فرید قبول کرے 
سرکار وی توں ،سُلطان وی توں

نہ تاں کہتر ، کمتر ، احقر ، ادنٰی 
لا شۓ ، لا امکان وی توں

کلام صوفیانہ 
حضرت بابا غُلام فرید علیہ الرحمہ

میڈا عشق وی توں
میڈا عشق وی توں

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

  • Recently Browsing   0 members

    No registered users viewing this page.

  • Forum Statistics

    1,862
    Total Topics
    7,956
    Total Posts
×