انسانی جسم کے بارے دلچسپ اور حیران کن معلومات

کبھی آپ نے اپنے جسمانی ساخت پر غور کیا۔ کہ اﷲ عزوجل نے اس میں کیا کیا چیزیں رکھی ہیں؟ اگر ہم اس پر غور کریں تو حیران رہ جائیں ۔درحقیقت انسانی جسم اللہ عزوجل کا ایک عظیم شاہکار ہے۔ جس کو اللہ نے ایسے طریق پر تخلیق کیا ہے کہ انسانی عقل مکمل طور پر اس کا ادراک کرہی نہیں سکتی ۔ انسان جب اپنی تخلیق پر کچھ غور کرتا ہے تو اس پر ایسے ایسے راز کھلتے ہیں کہ انسان اللہ کا شکر ادا کئے بغیر نہیں رہ سکتا ۔ تو آج ہم اپنے دلچسپ معلومات پیج کےدوستوں کو کچھ ایسی ہی دلچسپ معلومات کے بارے بتاتےہیں کہ آپ حیران رہ جائیں گے۔اور بے ساختہ "سبحان اللہ" کہنے پر مجبور ہو جائیں گے۔

فولاد
انسانی جسم میں اتنا فولاد ہوتا ہے کہ اس سے درمیانے درجے کے سات کیل تیار ہوسکتے ہیں۔
انسانی جسم کی حرارت:
انسانی جسم میں اتنی حرارت ہوتی ہے کہ اس سے چائے کی تین پیالیاں تیار کی جاسکتی ہیں۔
چھینک
انسانی چھینک کی رفتار سو میل فی گھنٹہ ہوتی ہے۔

چربی:
یہ تو آپ جانتے ہی ہیں کہ انسانی جسم میں چربی بھی ہوتی ہے۔ لیکن یہ کتنی ہوتی ہے۔ اگر بتاؤں تو آپ سوچتے رہ جائیں! پتا ہے کتنی؟ انسان کے جسم میں اتنی چربی ہوتی ہے کہ اس سے تقریباً چار پونڈ صابن تیار ہوسکتا ہے۔

توانائی:
انسانی جسم میں اتنی توانائی موجود ہوتی ہے کہ اگر اس کو برقی توانائی میں تبدیل کیا جائے تو اس سے ساٹھ وولٹ کا بلب دو منٹ تک روشن کیا جاسکتا ہے۔

انسانی خون کی گردش:
میرے ناقص مطالعے کے مطابق ،انسان کے جسم میں خون کا ایک قطرہ پچاس سال تک تقریباً بیس ہزار میل کا سفر طے کرتا ہے۔

مرد کی داڑھی :
مرد کی داڑھی ایک سال میں تقریباً سولہ انچ کے حساب سے بڑھتی ہے-:
انسانی جسم کی ہڈیاں:
انسانی ہاتھ میں کل ستائیس ہڈیاں ہوتی ہیں۔ انسانی سر میں آٹھ ہڈیاں ہوتی ہیں۔ انسانی ٹانگ میں اکتیس ہڈیاں ہوتی ہیں، انسانی جسم میں کل دو سو چھ ہڈیاں ہوتی ہیں۔

انسانی جسم میں مسام:
انسانی جسم میں کل پچیس لاکھ مسام ہوتے ہیں۔

انسانی ناخن بڑھنے رفتار:
انسانی ناخن روانہ اوسط اعشاریہ ایک ملی میٹر کے حساب سے بڑھتے ہیں۔

جلد اور انسانی جسم :
انسانی جلد کا وزن پورے جسم کے وزن کے سولہ فیصد ہوتا ہے۔

انسانی جسم میں پانی:
جس طرح دنیا میں سات حصّے پانی ہے ۔اسی طرح اگر ہم انسانی جسم کا مطالعہ کریں تو ہمیں معلوم ہوتا ہے کہ انسان کے جسم میں 65 فیصد پانی ہوتا ہے-

اللہ کی قدرت پھیپھڑے:
پھیپھڑے جنھیں انگریزی میں لنگز کہتے ہیں۔ دو ہوتے ہیں دونوں کا ایک ہی کام ہے لیکن انسان کے دونوں پھیپھیڑوں میں سے دائیں طرف والا پھیپھڑا بڑا ہوتا ہے۔

(سبحان اللہ۔ بے شک اللہ ہی کی ذات علم و حکمت والی ہے)