ہر اک سے فیس بک پر پیار ہو ایسا نہیں ہوتا
ہمیشہ چیٹ پہ گلنار ہو ایسا نہیں ہوتا

ہمارے بیچ میں ابا اچانک آ بھی سکتا ہے
دلوں میں نہ کوئی دیوار ہو ایسا نہیں ہوتا

سکھا دے گی اسے بیوی سبھی گُر کام کرنے کے
کبھی یہ نوکری دشوار ہو ایسا انہیں ہوتا

سفارش ڈھونڈنے لگتے ہیں راشی لوگ مشکل میں
لبوں پہ توبہ استغفار ہو ایسا نہیں ہوتا

بہت سے لوگ ایسے ہیں جو بیوی سے نہیں ڈرتے
ہر اک شوہر ہی تابعدار ہو ایسا نہیں ہوتا

مہینے میں کئی چھٹیاں ہمیں چہونگے میں ملتی ہیں
خوشی کا ایک ہی اتوار ہو ایسا نہیں ہوتا

یہ بچے اس کے ہمسایوں کے بچے ہو بھی سکتے ہیں 
وہی اس ٹیم کا سردار ہو ایسا نہیں ہوتا

کسی مچھر کی پوں پوں سے سہانی نیند اڑتی ہے
محبت میں کوئی بے دار ہو ایسا نہیں ہوتا

یہاں رمضان کے رمضان تو بازار لگتے ہیں
مگر سستا کوئی بازار ہو ایسا نہیں ہوتا

میں بینا شارٹ کٹ بھی تو لگا سکتی ہوں اچھا سا
"کوئی رستہ سدا دشوار ہو ایسا نہیں ہوتا"

روبینہ شاہین بینا