house Of Sea

سب کچھ اپنا واری بیٹھاں
جتی بازی،،،، ہاری بیٹھاں
دم کسے دا بھردے بھردے
اپنا آپ،،، وساری بیٹھاں
مجرم،،، اپنا آپ اى آں میں
ہتھیں کھیڈ اجاڑی بیٹھاں
ویچ کے ٹوٹے خواباں دے
سپنا میں وپاری بیٹھاں
مرضی دا،،، ہک ساہ نہ لیا
اُنج میں عمر گزاری بیٹھاں
ہواواں،،،،،،، راکھ اڈاون پئیاں
اِنج میں قسمت ساڑی بیٹھاں
اوہلے،،،، کی میں رکھدا یارو
زندگی اس توں واری بیٹھاں
اپنے آپ نوں،، قیدی کر کے
اُچیاں کنداں چاڑی بیٹھاں
کوئی کسے دا دردی نئیں
ساری گل، نتاری بیٹھاں
مُکیئے آپ ایہہ غم نئیں مکدے
ہن ایہہ سوچ وچاری بیٹھاں