ہم پر تُمھاری چاہ کا اِلزام ہی تو ہے

[Waqas Dar 7,046]

فیض احمد فیض

ہم پر تُمھاری چاہ کا اِلزام ہی تو ہے
دُشنام تو نہیں ہے، یہ اِکرام ہی تو ہے

دِل نااُمید تو نہیں، ناکام ہی تو ہے
لبمی ہے غم کی شام، مگر شام ہی تو ہے

کرتے ہیں جس پہ طعن، کوئی جُرم تو نہیں
شوقِ فضُول و اُلفتِ ناکام ہی تو ہے

دِل مُدّعی کے حرفِ مَلامت سے، شاد ہے
اے جانِ جاں ! یہ حرف تِرا نام ہی تو ہے

! دستِ فلک میں گردشِ تقدیر تو نہیں 
دستِ فلک میں گردشِ ایّام ہی تو ہے

! آخر تو ایک روز، کرے گی نظر وفا 
وہ یارِ خوش خصال سرِ بام ہی تو ہے

بھیگی ہے رات، فیض! غزل اِبتدا کرو
وقتِ سرود، درد کا ہنگام ہی تو ہے

فیض احمد فیض

 

[Zarnish Ali 7,895]

Wahhh