وہ کہتی ہے 

اب بھی کسی کیلئے لال ہری چوڑیاں خریدتے ہو؟

میں کہتا ہُوں 

ہر کسی کی کلائی پہ یہ رنگ اچھا نہیں لگتا 

وہ کہتی ہے 

اب بھی کسی کے آنچل کو آکاش لکھتے ہو؟

میں کہتا ہُوں 

اب کسی کے آنچل میں اتنی وسعت کہاں ہے؟

وہ کہتی ہے 

جاناں!! لہجے میں اداسیت سی ہے 

میں کہتا ہُوں 

تتلیوں نے بھی میرے درد کو محسوس کِیا ہے 

وہ کہتی ہے 

مجھے اب بیوفا کے نام سے یاد کرتے ہو؟

میں کہتا ہُوں 

میرے نصاب میں یہ لفظ شامل ہی نہیں 

وہ کہتی ہے 

میرے ذکر پر کبھی رو بھی لیتے ہوگے؟

میں کہتا ہُوں 

میری آنکھوں کو ہر وقت کی پھوار اچھی لگتی ہے 

وہ کہتی ہے 

تمہاری باتوں میں اتنی گہرائی سی کیوں ہے؟

میں کہتا ہُوں 

تمہاری جدائی کے بعد مجھکو یہ اعزاز ملا ہے