ہم تو بس خواب ہیں...

کچهہ پل کے لیے دیکهو ہمیں

پهر کسی آنکهہ، کسی نیند

میں آئیں گے نہیں

پهر کسی راہ،کسی موڑ پر

ہم ہوں گے نہیں

ہم تو بس گرد ہیں...

کچهہ دیر میں مٹ جائیں گے

ہم تو خوشبو ہیں..

ہمیں رنگ نہ کوئی دینا

صرف احساس کو چهو کر ہے گزر جانا ہمیں

ہم تو آنسو ہیں..

بہیں گے تو

نہ لوٹیں گے کبهی

ہم تو بس زخم ہیں..

سینے کا....ہمیں بهرنا ہے

ہم وہ احساس کی بیلیں ہیں..

جو چهاؤں چاہیں

درد کی دهوپ جو چهو لیں تو ہمیں مرنا ہے

ہم تو بس خواب ہیں...

کچهہ پل میں بکهرنے والے..