جو محبتیں ہمیں توڑ کر اللہ سے جوڑتی ہیں انھیں ہرگز کوسنا نہیں چاہئے. ان کے حق میں دعائیں کرنی چاہئے کہ انھوں نے آپ کو کمزور ، بے فیض سہاروں سے محروم کر کے آپ کو اکیلاچھوڑا . آپ کو توڑا تا کہ آپ ٹوٹے ہوئے وجود سے جھکیں ،تو سامنے اللہ دکھائی دے . وہ اللہ جو تب بھی وہاں موجود تھا ، جب ہم سرابوں میں تھے .وہ تب بھی تھا ، جب ہم بت سجائے دلوں میں، آسمان میں اڑتے تھے اور وہ اب بھی وہاں موجود ہے جب ہم ٹوٹے پروں سے زمیں پر گر کر چکنا چور ہوگئے ہیں .  ہم تھام کیوں نہیں لیتے ، اس مضبوط سہارے کو . آخر یہ ٹوٹنا بکھرنا اور کب تک .... ؟ 

مگر نہیں.. ہم ذرا سے سنبھلتے ہیں ، تو اٹھ کر پھر سے نت نئے چہروں کو دیکھتے ہیں . 

آرزوئیں کرتے ہیں ہم دشت میں خود ریت پھانکتے پھرتے ہیں ورنہ ! ہمیں دیس نکالے نہیں ہیں . ہم آج بھی چاہیں ، تو اپنے راستے ہدایت والوں کی طرف موڑ دیں اور یقیں جانو ! رب کی مقرر کردہ حدود میں ہی سکون ہے