Entry posted by Zarnish Ali
1,157 views
ﻣﺤﺒﺖ ﺯﻧﺪﮔﯽ ﮨﮯ
ﻣﺤﺒﺖ ﺟﺐ ﺩﺑﮯ ﭘﺎﺅﮞ ﮐﺴﯽ ﺩﻝ ﮐﯽ ﻃﺮﻑ ﺁﺋﮯ
ﺑﮩﺖ ﺁﮨﺴﺘﮕﯽ ﺳﮯ ﺍُﺱ ﮐﮯ ﺩﺭﻭﺍﺯﮮ ﭘﮧ ﺩﺳﺘﮏ ﺩﮮ
ﺗﻮ ﺍُﺱ ﺩﺳﺘﮏ ﮐﮯ ﺟﺎﺩُﻭ ﺳﮯ
ﺩَﺭﻭﺩﯾﻮﺍﺭ ﮐﯽ ﺭﻧﮕﺖ ﺑﺲ ﺍِﮎ ﭘَﻞ ﻣﯿﮟ ﺑﺪﻟﺘﯽ ﮨﮯ
ﻓﻀﺎ ﮐﯽ ﻧﻐﻤﮕﯽ ﺍِﮎ ﺍﺟﻨﺒﯽ ﺧﻮﺷﺒﻮ ﻣﯿﮟ ﮈﮬﻠﺘﯽ ﮨﮯ
ﺗﻮ ﭘﮭﺮ ﮐﭽﮫ ﺍﯾﺴﺎ ﮨﻮﺗﺎ ﮨﮯ
ﺍﺳﯽ ﻟﻤﺤﮯ ﮐﯽ ﺟﮭﻠﻤﻞ ﻣﯿﮟ
ﺑﮩﺖ ﮨﯽ ﺳﺮﺳﺮﯼ ﺳﮯ ﺍِﮎ ﺗﻌﻠﻖ ﮐﯽ ﮨَﻮﺍ ﺍﯾﮏ ﺩﻡ
ﮐﺴﯽ ﺁﻧﺪﮬﯽ ﮐﯽ ﺻُﻮﺭﺕ ﮨﺮ ﻃﺮﻑ ﻟﮩﺮﺍﻧﮯ ﻟﮕﺘﯽ ﮨﮯ
ﻭﮦ ﺍﮎ ﻟﻤﺤﮧ، ﺯﻣﺎﻧﻮﮞ ﭘﺮ ﮐﭽﮫ ﺍﯾﺴﮯ ﭘﮭﯿﻞ ﺟﺎﺗﺎ ﮨﮯ
ﮐﮧ ﮐﻮﺋﯽ ﺣﺪّ ﻧﮩﯿﮟ ﺭﮨﺘﯽ
ﯾﮧ ﮐُﮭﻠﺘﺎ ﮨﮯ
ﻣﺤﺒﺖ ﺯﻧﺪﮔﯽ ﮐﺎ ﺍﯾﮏ ﺭﺳﺘﮧ ﮨﯽ ﻧﮩﯿﮟ
ﻣﻨﺰﻝ ﻧﺸﺎﮞ ﺑﮭﯽ ﮨﮯ
ﯾﻘﯿﻨﻮﮞ ﺳﮯ ﺟﻮ ﺍﻓﻀﻞ ﮨﻮ ﯾﮧ ﺍﮎ ﺍﯾﺴﺎ ﮔﻤﺎﮞ ﺑﮭﯽ ﮨﮯ
ﯾﮧ ﺍﯾﺴﺎ ﻣﻮﮌ ﮨﮯ ﺟﺲ ﭘﺮ ﺳﻔﺮ ﺧﻮﺩ ﻧﺎﺯ ﮐﺮﺗﺎ ﮨﮯ
ﺍِﮎ ﺍﯾﺴﺎ ﺑﯿﺞ ﮨﮯ
ﺟﻮ ﺯﻧﺪﮔﯽ ﻣﯿﮟ " ﺯﻧﺪﮔﯽ " ﺗﺨﻠﯿﻖ ﮐﺮﺗﺎ ﮨﮯ
ﺍُﺳﮯ ﺗﻌﻤﯿﺮ ﮐﺮﺗﺎ ﺍﻭﺭ ﻧﺌﮯ ﻣﻔﮩﻮﻡ ﺩﯾﺘﺎ ﮨﮯ
ﺑﺘﺎﺗﺎ ﮨﮯ
" ﻣﺤﺒﺖ ﺯﻧﺪﮔﯽ ﮨﮯ ﺍﻭﺭ ﺟﺐ ﯾﮧ ﺯﻧﺪﮔﯽ
ﺩِﻥ ﺭﺍﺕ ﮐﯽ ﺗﻔﺮﯾﻖ ﺳﮯ ﺁﺯﺍﺩ ﮨﻮ ﺟﺎﺋﮯ
ﺗﻮ ﻣﺎﮦ ﻭ ﺳﺎﻝ ﮐﯽ ﮔِﻨﺘﯽ ﮐﮯ ﻭﮦ ﻣﻌﻨﯽ ﻧﮩﯿﮟ ﺭﮨﺘﮯ
ﺟﻮ ﺍَﺏ ﺗﮏ ﺗﮭﮯ "
ﺳِﻤﭧ ﺟﺎﺗﮯ ﮨﯿﮟ ﺳﺐ ﺭﺷﺘﮯ
ﺍﮎ ﺍﯾﺴﮯ ﺳﻠﺴﻠﮯ ﮐﯽ ﺧﻮﺵ ﻧﮕﺎﮨﯽ ﻣﯿﮟ
ﮐﮧ ﺍﮎ ﺩﻭﺟﮯ ﮐﯽ ﺁﻧﮑﮭﻮﮞ ﻣﯿﮟ ﮨُﻤﮑﺘﮯ ﺧﻮﺍﺏ ﺑﮭﯽ ﮨﻢ ﺩﯾﮑﮫ ﺳﮑﺘﮯ ﮨﯿﮟ
ﺟﮩﺎﮞ ﮨﻢ ﺳﺎﻧﺲ ﻟﯿﺘﮯ ﮨﯿﮟ
ﺍﻭﺭ ﺟﻦ ﮐﯽ ﻧﯿﻠﮕﻮﮞ ﭼﺎﺩﺭ ﮐﮯ ﺩﺍﻣﻦ ﻣﯿﮟ
ﮨﻤﺎﺭﮮ " ﮨﺴﺖ " ﮐﺎ ﭘﯿﮑﺮ ﺳﻨﻮﺭﺗﺎ ﮨﮯ
ﻭﮦ ﺻﺪﯾﻮﮞ ﮐﮯ ﭘُﺮﺍﻧﮯ، ﺁﺷﻨﺎ ﺍﻭﺭ ﺍَﻥ ﺑﻨﮯ ﻣﻨﻈﺮ
ﮐﺌﯽ ﺭﻧﮕﻮﮞ ﻣﯿﮟ ﮈﮬﻠﺘﮯ،
ﺧﻮﺷﺒﻮﺅﮞ ﮐﯽ ﻟﮩﺮ ﻣﯿﮟ ﺗﺤﻠﯿﻞ ﮨﻮﺗﮯ ﮨﯿﮟ
ﺯﻣﯿﮟ ﭼﮩﺮﮦ ﺑﺪﻟﺘﯽ ﮨﮯ، ﺁﺳﻤﺎﮞ ﺗﺒﺪﯾﻞ ﮨﻮﺗﮯ ﮨﯿﮟ
ﻣﺤﺒﺖ ﺑﮭﯽ ﻭﻓﺎ ﺻﻮﺭﺕ
ﮐﺴﯽ ﻗﺎﻧﻮﻥ ﺍﻭﺭ ﮐُﻠﯿﺌﮯ ﮐﮯ ﺳﺎﻧﭽﮯ ﻣﯿﮟ ﻧﮩﯿﮟ ﮈﮬﻠﺘﯽ
ﮐﮧ ﯾﮧ ﺑﮭﯽ ﺍﻧﮕﻠﯿﻮﮞ ﮐﮯ ﺍﻥ ﻧﺸﺎﻧﻮﮞ ﮐﯽ ﻃﺮﺡ ﺳﮯ ﮨﮯ
ﮐﮧ ﺟﻮ ﮨﺮ ﮨﺎﺗﮫ ﻣﯿﮟ ﮨﻮ ﮐﺮ ﺑﮭﯽ ﺁﭘﺲ ﻣﯿﮟ ﻧﮩﯿﮟ ﻣﻠﺘﮯ
ﯾﮧ ﺍﯾﺴﯽ ﺭﻭﺷﻨﯽ ﮨﮯ
ﺟﺲ ﮐﮯ ﺍﺭﺑﻮﮞ ﺭُﻭﭖ ﮨﯿﮟ ﻟﯿﮑﻦ
ﺟﺴﮯ ﺩﯾﮑﮭﻮ ﻭﮦ ﯾﮑﺘﺎ ﮨﮯ
ﻧﮧ ﮐﻮﺋﯽ ﻣﺨﺘﻠﻒ ﺍِﻥ ﻣﯿﮟ ﻧﮧ ﮐﻮﺋﯽ ﺍﯾﮏ ﺟﯿﺴﺎ ﮨﮯ
ﻣﺤﺒﺖ ﺍﺳﺘﻌﺎﺭﺍ ﺑﮭﯽ، ﻣﺤﺒﺖ ﺯﻧﺪﮔﯽ ﺑﮭﯽ ﮨﮯ
ﺍﺯﻝ ﮐﺎ ﻧﻮﺭ ﮨﮯ ﺍﺱ ﻣﯿﮟ، ﺍَﺑﺪ ﮐﯽ ﺗﯿﺮﮔﯽ ﺑﮭﯽ ﮨﮯ
ﺍِﺳﯽ ﻣﯿﮟ ﺑﮭﯿﺪ ﮨﯿﮟ ﺳﺎﺭﮮ، ﺍِﺳﯽ ﻣﯿﮟ ﺁﮔﮩﯽ ﺑﮭﯽ ﮨﮯ
0 Comments
Recommended Comments
There are no comments to display.
Join the conversation
You are posting as a guest. If you have an account, sign in now to post with your account.
Note: Your post will require moderator approval before it will be visible.