رکھ رکھاؤ میں کوئ خوار نہیں ہوتا یار

دوست ہوتے ہیں، ہر اک یار نہیں ہوتا یار

_

دو گھڑی بیٹھو مرے پاس،کہو کیسی ہو

دو گھڑی بیٹھنے سے پیار نہیں ہوتا یار

_

یار ! یہ ہجر کا غم ! اس سے تو موت اچھی ہے

جاں سے یوں ہی کوئ بے زار نہیں ہوتا یار

_

روح سنتی ہے محبت میں بدن بولتے ہیں

لفظ پیرایہؑ اظہار نہیں ہوتا یار

_

نوکری ، شاعری ،گھربار ، زمانہ ، قدریں

اک محبت ہی کا آزار نہیں ہوتا یار

_

خوش دلی اور ہے اور عشق کا آزار کچھ اور

پیار ہو جاۓ تو اقرار نہیں ہوتا یار

_

لڑکیاں لفظ کی تصویر چھپا لیتی ہیں

ان کا اظہار بھی اظہار نہیں ہوتا یار

_

آدمی عشق میں بھی خود سے نہیں گھٹ سکتا

آدمی سایہؑ دیوار نہیں ہوتا یار !!

_

گھیر لیتی ہے کوئ زْلف ، کوئ بوۓ بدن

جان کر کوئ گرفتار نہیں ہوتا یار

_

یہی ہم آپ ہیں ہستی کی کہانی ،اس میں

کوئ افسانوی کردار نہیں ہوتا یار