سید عارف مصطفیٰ ۔۔۔۔ کیسا شور پڑا ہے ،،، کیا اچھل پھاند سی مچ گئی ہے ،،، کوئئ قیامت سی قیامت ہے ،،، شاید سورج مغرب سے نکل آیا ہے ،،، چند اکڑی گردنیں اپنی اکڑی یونیفارموں میں ہوتے ہوئے بھی خوفزدہ ہوکر نڈھال ہوکے اپنے سینوں پہ جھک چکی ہیں ۔۔۔ کیونکہ ان پہ بدعنوانی کے الزامات فیصل ہوئے ہیں ،،، دنیا بھر کے جمہوری ممالک میں تو یہ معمول کی بات ہے لیکن اس ارض وطن پہ رونما ہونے والا یہ عجب واقعہ ہے کہ آزادی کے بعد کے 69 برسوں میں پہلی بار کسی پاکستانی سپاہ سالار نے بغل میں دبی چھڑی کا رخ سویلین کے بجائے اپنے پیٹی بندوں کی طرف کیا ہے اور12 افراد تو پہلے ہی نشانے میں کام آگئے ہیں میجر سے لے کر اعلیٰ ترین رینک یعنی لیفٹنٹ جنرل تک سبھی رینک پہ فائز افسران اس میں شامل ہیں۔۔۔ لیکن ستم ظریفی یہ ہے کہ چند لوگ ہیں جو یہ شور مچار ہے ہیں کہ انصاف پھر بھی نہیں ہوا ،،، کیونکہ ان لوگوں کو ویسی سخت سزائیں نہیں دی گئیں جیسی کے اسی جرم میں سویلین کا نصیب بنادی جاتی ہیں ،،، ویسے غیر طبقاتی زاویئے سے دیکھا جائے تو یہ تنقید یکسر بے وزن بھی نہیں ،،، لیکن جس ملک میں یونیفارمی مہاراجوں کو کبھی چھووا بھی نہ گیا ہو حتیٰ کے آدھا ملک ڈکار جانے والے کو بھی پورے اعزاز کے ساتھ قومی پرچم میں لپیٹ کر اور توپوں کی سلامی دیکر سپرد خاک کیا گیا ہو ، تو اسی ملک میں'' محض کرپشن'' جیسی ''معمولی کوتاہی '' کرنے پہ اس طرح بے توقیر کیا جانا کسی معجزے سے کم ہرگز نہیں ۔۔۔ لیکن یہ ذہنیت بھی کچھ اس ہی طرح کی ہے کہ جیسے کہ بعضے مسلمان آسمانی ہدایتوں کو تسلیم کرنے کے باوجود عبادتی نظام پہ عملدرآمد اس عذر پہ ٹالے رکھتے ہیں کہ ایک ایک دو دو نمازیں کیا پڑھنی ۔۔۔ جب کبھی نمازی بن پائیں گے تو پورے پورے پانچوں وقت کے بنیں گے ،،، اور پھر ایسے بہتوں کے نصیب میں یہ موقع کبھی نہیں آپاتا ،،، یا بمشکل اس وقت آتا ہے کہ جب امراض کی شدت یا بڑھاپے کی لاغری مارے دیتی ہے اور آخری دنوں کی یہ مجبور عبادت معبود کی نظر میں کچھ قابل پزیرائی نہیں رہتی ،،، لیکن وہ لوگ جو ذرا بھی مہلت عمل کو غنیمت جانتے ہیں ،وہ جب بھی اور جتنی بھی نمازیں پڑھنے کا موقع مل جائے اپنے خالق کے سامنے سربسجود ہوجاتے ہیں تو کہیں نہ کہیں انکی یہ لپاک جھپاک عبادت بھی انکے خالق کی رحمت کو جوش دلانے کا سبب بن جاتی ہے ،،، تو بالکل عین اسی طرح یہ بات کی جارہی ہے کہ جنرل راحیل شریف نے مثالی سزائیں کیوں نہیں دیں ان وردی پوشوں کو ،،، بھائی ابھی تو شروعات ہے ،،، اسی میں سب آئیڈیلزم والی شرائط عائد کرنے ابھی سے نہ بیٹھ جاؤ کیونکہ شاید کوئی انتہائی چغد ہی ایسا ہوگا جو یہ اندازہ نہ کرسکے کہ اس بہادر جنرل نے بیٹھے بٹھائے اپنے ہی محکمے کے ان افسران پہ ہاتھ ڈال کر کس قدر طوفانی مخالفت کو آواز دے دی ہے اورخود اپنی ہی طاقت کے اس تماتر اکیلے مرکز کو جھنجھوڑ کر اپنے لیئے کتنا غیر معمولی خطرہ مول لیا ہے ،،، ورنہ آسان کام تو یقینناً وہی تھا جو انکے پیشرو کرتے رہے ہیں ،،، یعنی یا تو اس احتسابی مصیبت ہی میں نہ پڑنا ورنہ احتساب کے نام پہ برے لوگوں کو خوفزدہ کرکے اپنی حکومت میں ساتھ شامل کرلینا،،، سوچیئے اور سمجھیئے کہ یہی کیا کم ہے کہ وہ سفر آغاز ہوگیا ہے کہ جسکے لیئے سات دہائیوں سے کسی کے قدم اٹھتے نہ تھے اور اسکے محض خواب دیکھنے والوں کے ذہن بھی پتھر کے ہوجاتے تھے ۔۔۔ خاطر جمع رکھیئے کہ اب جبکہ یہ کام شروع ہوہی چکا ہے تو اگر استقامت دکھائی گئی تو یہ اپنا مومینٹم خود بنالے گا اورپھر اسے روک دینا کسی کے لیئے بھی ممکن نہ ہوگا اور جب اسکی رفتار ایک خاص حد کو بھی عبور کرلے گی تو پھر یہ مہم اک آندھی اور طوفان کی سی شکل اختیار کرلے گی اور پھر یوں ایک حقیقی انقلاب بھی برپا ہوسکے گا کیونکہ بات فوج کے اندرونی احتساب سےشروع کرکے اس بڑی صفائی کا رستہ ہموار کردیا گیا ہے کہ جو ہر شعبے میں ہونے جارہی ہے اور میں کھلے بازوؤں سے اس کا خیرمقدم کرتا ہوں کیونکہ یہ اقتدار کی باریاں لینے والے اور سیاسی پارٹیوں کے نام پہ قائم خاندانی راجواڑے کبھی از خود وہ احتسابی نظام لا ہی نہیں سکتے کہ جس سے انکی چوریاں اور ڈکیتیاں بے نقاب ہوسکتی ہوں ۔۔۔ اک اسی مزے کے حصول کل کیلیئے تو برسہا برس سے انکا سارا تماشا لگا ہوا ہے ،،، ضرورت اس امر کی ہے کہ اب کرپشن کے خلاف جہاد کے لیئے سر سے کفن باندھ لیا جائے کیونکہ سچ تو یہی ہے کہ یہ برائی ہی ہمارے پاکستانی سماج کی حقیقی ام الخبائث ہے arifm30@gmail.com

View the full article