میں تجھ کو بھولنا چاھوں
تو کیسے بھول سکتا ہوں
یہی اک روگ حرضِ جان ہوا ہے
آجکل جاناں
تمہیں سو مرتبہ انکھوں سے اوجھل کر کے دیکھا ہے وفور غم سے اپنا آپ بوجھل کر کے دیکھا ہے حریف جان ہے
لیکن تو اب دل میں رہتا ہے
میری رگ رگ میں بہتا ہے
عمل کرتا ہوں میں اُس پر
جو تو اندر سے کہتا ہے
تو مجھ کو توڑ سکتا ہے
تو مجھ کو چھوڑ سکتا ہے
اگر پھر جوڑنا چایے
تو مجھ کو جوڑ سکتا ہے
مگر میرے لیے تو جان من یہ کام مشکل ہے تمہارے ہجر کا
یہ جیتے جی الزام مشکل ہے
کوئ ایسا طریقہ ہو
کہیں ایسا سلیقہ ہو
میں تجھ کو بھول جانے پر
بہت مجبور ہو جاؤں
نظر سے دور ہو جاؤں
کہیں کافور ہو جاؤں
کسی قصے کہانی کی طرح
مشہور ہو جاؤں
مگر میں جانتا ہوں
جیتے جی ایسا ہو نہیں سکتا
چلو پھر ایسا کرتا ہوں
کہ اس خواہش کی خاطر
زندگی سے ھاتھ دھوتا ہوں
کہیں برزخ میں سوتا ہوں
مگر اس بات کی جانم بتاؤں کیا ضمانت ہے
کہ مر کر بھی یہ آنکھیں یہ چہرا بھول سکتا ہوں
گھنی زلفوں کا بادل 
وصل کی شب
ریشمی انچل
یہ سب کچھ بھولنا چاہوں
تو کیسے بھول سکتا ہوں
میں تجھ کو بھولنا چاہوں تو کیسے بھول سکتا ہوں