Taigh e sitam se is ki mara ser juda na hua

[Waqas Dar 7,036]

تیغ ستم سے اس کی مرا سر جدا ہوا 
 شکر خدا کہ حقِ محبـت ادا ہوا 

 قاصد کو دے کے خط نہیں کچھ بھیجنا ضرور 
 جاتا ہے اب تو جی ہی ہمارا چلا ہوا 

 وہ تو نہیں کہ اشک تھمے ہی نہ آنکھ سے 
 نکلے ہے کوئی لخت دل اب سو جلا ہوا 

 حیراں رنگِ باغ جہاں تھا بہت رُکا 
! تصویر کی کلی کی طرح دل نہ وا ہوا

 عالم کی بے فضائی سے تنگ آگئے تھے ہم 
! جاگہ سے دل گیا جو ہمارا بجا ہوا

 در پے ہمارے جی کے ہوا غیر کے لیے
 انجام کار مدعی کا مدعا ہوا 

 اس کے گئے پہ دل کی خرابی نہ پوچھئے
 جیسے کوئی کسو کا نگر ہو لٹا ہوا

 بدتر ہے زیست مرگ سے ہجرانِ یار میں 
 بیمار دل بھلا نہ ہوا تو بھلا ہوا 

 کہتا تھا میر حال تو جب تک تو تھا بھلا 
 کچھ ضبط کرتے کرتے ترا حال کیا ہوا