اُداسی مُشتہر ہونے لگی ہے

[Zarnish Ali 7,895]

اُداسی مُشتہر ہونے لگی ہے
بھرے گھر میں تماشا ہو گئی ہُوں

میں کن لوگوں میں ہوں کیا لکھ رہی ہُوں
سُخن کرنے سے پہلے سوچتی ہُوں

اُداسی مُشتہر ہونے لگی ہے
بھرے گھر میں تماشا ہو گئی ہُوں

کبھی یہ خواب میرا راستہ تھے
مگر اب تو اذاں تک جاگتی ہُوں

بس اِک حرفِ یقین کی آرزو میں
مَیں کتنے لفظ لکھتی جا رہی ہُوں

مَیں اپنی عُمر کی قیمت پہ تیرے
ہر ایک دُکھ کا ازالہ ہو رہی ہُوں

غضب کا خوف ہے تنہائیوں میں
اب اپنے آپ سے ڈرنے لگی ہُوں

 

نوشی گیلانی 

[jannat malik 2,205]

محبتوں میں خسارا عجیب لگتا ہے
ہمیں دعا کا سہارا عجیب لگتا ہے 

شعورِ موسمِ ہجر و وصال رکھتے ہیں
سو عشق سارے کا سارا عجیب لگتا پے

نوشی گیلانی