زندگی اب کہاں گزرتی ہے

[Urooj Butt 861]

ہر گھڑی رائیگاں گزرتی ہے
زندگی اب کہاں گزرتی ہے

درد کی شام، دشتِ ہجراں سے
صُورتِ کارواں گزرتی ہے

شب گراتی ہے بجلیاں دل پر
صبح آتش بجاں گزرتی ہے

زخم پہلے مہکنے لگتے تھے
اب ہوا بے نشاں گزرتی ہے

تُو خفا ہے تو دل سے یاد تری
کس لیے مہرباں گزرتی ہے

اپنی گلیوں سے امن کی خواہش
تن پہ اوڑھے دھواں گزرتی ہے

مسکرایا نہ کر کہ محسن پر
یہ سخاوت گراں گزرتی ہے

(محسن نقوی)

 

[Waqas Dar 7,036]

Bohaaat khooob  

 

[Waqas Dar 7,036]

جفا کی آگ تھم جائے، فخر ٹوٹے کبھی محسن
چلے آنا میرے ہوکے میں ماضی پھر بھلا دوں گا

[Zarnish Ali 7,894]

Bohat khoob

[Waqas Dar 7,036]

 

سب جرم میرے نام سے منسوب ھیں محسن
کیا میرے سوا شہر میں معصوم ھیں سارے ۔ ۔ ۔؟

[Zarnish Ali 7,894]

 

کس نے سنگِ خامشی پھینکا بھرے بازار پر؟
اک سکوتِ مرگ طاری ہے در و دیوار پر

تو نے اپنی زلف کے سائے میں افسانے کہے
مجھ کو زنجیریں ملی ہیں جراءتِ اظہار پر

شاخِ عریاں پر کھلا اک پھول اس انداز سے
جس طرح تازہ لہو چمکے نئی تلوار پر

سنگ دل احباب کے دامن میں رسوائی کے پھول
میں نے دیکھا ہے نیا منظر فرازِ دار پر

اب کوئی تہمت بھی وجہِ کربِ رسوائی نہیں
زندگی اک عمر سے چپ ہے ترے اصرار پر

میں سرِ مقتل حدیثِ زندگی کہتا رہا
انگلیاں اٹھتی رہیں محسن مرے کردار پر

[Zarnish Ali 7,894]

کچھ اس ادا سے میرے یار سر کشیدہ ہوئے
کہ فتح پا کے بھی قاتل علم دریدہ ہوئے

عجیب طور سے ڈوبا ہے ڈوبنے والا
کہ ساحلوں کے بگولے بھی آبدیدہ ہوئے

جو اپنے سائے کی قامت سے خوف کھاتےہیں
ہمارے بعد وہی لوگ برگزیدہ ہوئے

میں چپ رہا تو اٹھیں‌مجھ پہ انگلیاں کیا کیا
زباں ملی تو مرے حرف ناشنیدہ ہوئے

ہماری لاش سے گزرے تو بے خبر گزرے
وہ جن کے نام پہ ہم لوگ سربریدہ ہوئے

جنھیں غرور تھا اپنی ستمگری پہ بہت
ستم تو یہ ہے کہ وہ بھی ستم رسیدہ ہوئے

عصائے حق ہے میسر نہ تختِ دل محسن
ہم ایسے لوگ بھی کس سن میں سن رسیدہ ہوئے

[Waqas Dar 7,036]

 

ھوتی نہیں قبول دعا ترکِ عشق کی
دل چاھتا نہ ھو تو دل میں اثر کہاں ۔