.درِ قفس سے پرے جب صبا گزرتی ہے

[jannat malik 2,205]

.درِ قفس سے پرے جب صبا گزرتی ہے
کسے خبر کہ اسیروں پہ کیا گزرتی ہے

تعلقات ابھی اس قدر نہ ٹوٹے تھے
کہ تیری یاد بھی دل سے خفا گزرتی ہے

وہ اب ملے بھی تو ملتا ہے اس طرح جیسے
بجھے چراغ کو چھو کر ہوا گزرتی ہے

فقیر کب کے گئے جنگلوں کی سمت مگر
گلی سے آج بھی ان کی صدا گزرتی ہے

یہ اہلِ ہجر کی بستی ہے احتیاط سے چل
مصیبتوں کی یہاں انتہا گزرتی ہے

بھنور سے بچ تو گئیں کشتیاں مگر اب کے
دلوں کی خیر کہ موجِ بلا گزرتی ہے

نہ پوچھ اپنی انا کی بغاوتیں محسنؔ
درِ قبول سے بچ کر دعا گزرتی ہے
محسن نقوی

[Waqas Dar 7,036]

عذابِ دید میں آنکھیں لہوُ لہوُ کر کے
 میں شرمسار ہوُا تیری جستجُو کر کے

کھنڈر کی تہہ سے بریدہ بدن سروں کے سوا
 مِلا نہ کچھ بھی خزانوں کی آرزو کر کے

محسن نقوی

[Zarnish Ali 7,894]

Farz karo hum ehl-e-wafaa hon, farz karo deewane hon,
Farz karo yeh donon baten jhooti hon, afsane hon,

[Waqas Dar 7,036]

دشت ، ساگر ، آسماں ،،،،،،، شمس و قمر کا فاصلہ
وقت کـے مـانند پھیلا ،،،، اس کے گـھـر کا فـاصلہ
-
آگہی کی جست سے ،،،،، کتنے سفر مجھ پر کُھلے
خیر و شر کا فـاصـلہ ،،،،، فـکـر و نـظـر کا فـاصـلہ
-
ایک حکمت میں نہاں تھیں دو جہاں کی رفعتیں
ایک سجـدے سے مٹا ،،،،،،،، نـور و بشر کا فـاصـلہ
-
ھم خـُمارِ زندگی میں ،،،،،، موت کہتے ھیں جسے
زندگی سے زندگی تک ،،،،،،،،،،، اِک سفر کا فـاصـلہ
-
چلتے چلتے آ گئی منزل ،،،،،،،،،،، مسافر کی طرف
ختم ھونے کو ھے ،،،،،،،،،، عُمــرِ مختصر کا فاصلہ
-
کٹ گیا ،،، پندار کی گوشہ نشینی میں ،،،، شباب
عہدِ پیری میں کٹھن ،،،،،،،، سقر و حجر کا فاصلہ
-
دو چراغوں میں بھی ھوتی ھے سیاھی کی لکیر
کیا ھوا گر ھم میں ھے ،،،،،،،، خوئے دِگر کا فاصلہ
-
بانجھ لفظوں کی زمیں پر ، آنسوؤں کی بارشیں
 طے نہ کر پا ئیں اَ مــؔـر ،،،،، شجر و ثمر کا فاصلہ

امر روحانی

[Zarnish Ali 7,894]

جب شام ڈھلی میرے بختوں کی
تب اس نے بھی دامن چھوڑ دیا