poetry چاروں طرف سے دشت کو رستہ نکلتا ہے

[Urooj Butt👑]

 

چاروں طرف سے دشت کو رستہ نکلتا ہے
اس شہر کا جنون سے رشتہ نکلتا ہے
دن بھر وہ آفتاب سے چھپتا ہے اور پھر
ٹھیک آدھی رات جسم سے سایہ نکلتا ہے
بارش بھی کچھ تو زور سے پڑتی ہے اس گھڑی
کچھ پیرہن کا رنگ بھی کچا نکلتا ہے
کوئی بھی واقعہ جو مرے ساتھ پیش آئے
صدیوں پرانے عہد کا قصہ نکلتا ہے
آتی ہے کھل کے نیند اگر اپنا دیس ہو
اور پھر وہاں پہ سانس بھی پورا نکلتا ہے
لگتا ہے پوری قوم گداگر تھی اس طرف
کھودیں اگر زمین،تو کاسہ نکلتا ہے

 

[Hareem Naz👑]

Khoob

[waqas dar⚙]

wahhhhhhh very nice @Urooj Butt

[Zarnish Ali👑]

umdaaa