koi sawal jo pochy

[Zarnish Ali 7,894]

کوئی سوال جو پُوچھے ،تو کیا کہوں اُس سے
بچھڑنے والے!سبب تو بتا جدائی کا

پروین شاکر

شدید دُکھ تھا اگرچہ تری جُدائی کا
سِوا ہے رنج ہمیں تیری بے وفائی کا

تجھے بھی ذوق نئے تجربات کا ہو گا
ہمیں بھی شوق تھا کُچھ بخت آزمائی کا

جو میرے سر سے دوپٹہ نہ ہٹنے دیتا تھا
اُسے بھی رنج نہیں میری بے ردائی کا

سفر میں رات جو آئی تو ساتھ چھوڑ گئے
جنھوں نے ہاتھ بڑھایا تھا رہنمائی کا

ردا چھٹی مرے سر سے،مگر میں کیا کہتی
کٹا ہُوا تو نہ تھا ہاتھ میرے بھائی کا

ملے تو ایسے، رگِ جاں کو جیسے چھُو آئے
جُدا ہُوئے تو وہی کرب نارسائی کا

کوئی سوال جو پُوچھے ،تو کیا کہوں اُس سے
بچھڑنے والے!سبب تو بتا جدائی کا

میں سچ کو سچ ہی کہوں گی ،مجھے خبر ہی نہ تھی
تجھے بھی علم نہ تھا میری اس بُرائی کا

نہ دے سکا مجھے تعبیر،خواب تو بخشے
میں احترام کروں گی تری بڑائی کا

 

[Waqas Dar 7,036]

Bohaaat awalaaaa Zarnish Ali 

ماتھے پہ بل نہ آنے دیا تھا کبھی تو پھر
لہجے میں اتنی گہری شکن کیسے پڑ  گئی

پروین_شاکر.

 

[Zarnish Ali 7,894]

سب سے نظر بچا کے وہ، مجھ کو تھا ایسے دیکھتا.
ایک دفعہ تو رک گئی، گردش_ ماہ و سال بھی.
بات وہ آدھی رات کی، رات وہ پورے چاند کی.
چاند بھی عین چیت کا، اس پہ تیرا جمال بھی.
میری طلب تھا ایک شخص، وہ جو نہیں ملا تو پھر.
ہاتھ دعا سے یوں گرا، کہ بھول گیا سوال بھی.
(پروین شاکر)

[Zarnish Ali 7,894]

چلی ہے تھام کے بادل کے ہاتھ کو خوشبو
ہوا کے ساتھ سفر کا مقابلہ ٹھہرا
پروین شاکر

[Waqas Dar 7,036]

Bohaaaat Umdaaa Lajawaaab intekhaaab

[Zarnish Ali 7,894]

waqas dar shukariya

 

[Zarnish Ali 7,894]

مجھے تیری محبت نے عجب اک روشنی بخشی
میں اس دنیا کو اب پہلے سے بہتر دیکھ سکتی ہوں 

پروین شاکر