poetry میرے ھم سفر تیری نظر رھے، میرے جذبہ دل کی شدتیں

[Urooj Butt 861]

میرے ھم سفر تیری نظر رھے، میرے جذبہ دل کی شدتیں
میرے خواب، میری بصارتیں، میری دھڑکنیں، میری چاہتیں

جو تیرے قدم میرے گھر چلے، میرے ساتھ شمس و قمر چلے
تیری قربتوں میں سمیٹ لوں، راہ زندگی کی مسافتیں

یہ رواۓ جاں تجھے سونپ دوں، کہ نہ دھوپ تجھ کو کڑی لگے
کوئی دکھ نہ تجھ کو عطا کرے ، سردشت غم کی تمازتیں

تیرے نام سے میری صبح ھوں، تیری یاد میں میری شام ھوں
تیرے روبرو رہے سرخرو میرے چشم دل کی عبارتیں

تیرا پیار میری دعا رہے، یہی فکر مجھ کو سدا رہے
کہ لہراتا رہے تیرا نخل جاں ، کہ نصیب ھوں تجھے راحتیں

میرے روز و شب کہ نصاب میں، میرے پاس اپنا تو کچھ نہیں
تیرا قرض ھے میری زندگی ، میری سانسیں تیری امانتیں

 

 

 

[Waqas Dar 7,050]

   bahtreeeeeeeeeen shairy maza aa gaya