آپ اِس طرح تو ہوش اُڑایا نہ کیجیے،

[Zarnish Ali 7,895]

آپ اِس طرح تو ہوش اُڑایا نہ کیجیے،
یُوں بن سنور کے سامنے آیا نہ کیجیے،
یا سر پہ آدمی کو بِٹھایا نہ کیجیے،
یا پھر نظر سے اُس کو گِرایا نہ کیجیے،
یُوں مَد بھری نِگاہ اُٹھایا نہ کیجیے،
پینا حرام ہے تو پلایا نہ کیجیے،
کہیے تو آپ محو ہیں کس خیال میں،
ہم سے تو دِل کی بات چُھپایا نہ کیجیے،
تیغِ سِتم سے جو کام لینا تھا لے چُکے،
اہلِ وفا کا یُوں تو صفایا نہ کیجیے،
مَیں آپ کا، گھر آپ کا، آئیں ہزار بار،
لیکن کسی کی بات میں آیا نہ کیجیے،
اُٹھ جائیں گے ہم آپ کی محفل سے آپ ہی،
دُشمن کے رُوبرو تو بِٹھایا نہ کیجیے،
دِل دور ہوں تو ہاتھ مِلانے سے فائدہ؟
رسمًا کسی سے ہاتھ مِلایا نہ کیجیے،
محروم ہوں لِطافتِ فطرت سے جو نصیرؔ،
اُن بے ہسوں کو شعر سُنایا نہ کیجیے،

[Waqas Dar 7,050]

 

اک صدائے ناز سنتا رہتا ھوں
زندگی کا ساز سنتا رہتا ھوں
ایک دھن ترتیب پاتی رہتی ھے
آپکی آواز سنتا رہتا ھوں...
نقطہ_ انجام سے واقف نہیں
 نغمہ_ آغاز سنتا رہتا ھوں