poetry Tenhaiyun mai aisa bhi hu jata hy akser

[Waqas Dar 7,060]

تنہائیوں میں ایسا بھی ھو جاتا ھے اکثر
دل دھڑکنوں کی گونج میں کھو جاتا ھے اکثر
-
آتا ھے جو بھی چارہ جُو بہرِ غمِ یاراں
دے دے کے دلاسے مجھے رو جاتا ھے اکثر
-
اک عمر سے بیدار تھا جو آس میں تیری
اب خواب میں بھی جا کے وہ سو جاتا ھے اکثر
-
بھٹکے ھوئے رستوں کو دکھاتا ھے جو منزل
وہ آ کے ترے شہر میں کھو جاتا ھے اکثر
-
رندوں کو پلاتے ھوئے مے ، ساقئ محفل
خود ھوش سے بیگانہ بھی ہو جاتا ھے اکثر
-
خوابوں کے سرھانے پہ ھی تھک ھار کے مزدور
بھوکا کسی فٹ پاتھ پہ سو جاتا ھے اکثر
-
ملتا ھے مجھے جب بھی سرِ راہِ تمنّا
صحرائے جاں میں تشنگی بو جاتا ھے اکثر
-
اعجاز ھے یہ شانِ کریمئ الہٰی
اک اشک بھی تقصیر کو دھو جاتا ھے اکثر
-
عشق ایسی گزرگاہِ عجب گام ھےجس پر
آتا ھی نہیں لوٹ کے ، جو جاتا ھے ، اکثر
-
جاتا نہیں پھولوں کی سیاحت کو فقط امـؔر
کانٹوں پہ بہار آئے بھی تو جاتا ھے اکثر
-
‫#‏امـؔـر‬ رُوحانی

 

[Zarnish Ali 7,895]

تعبیر جو مل جاتی
اک خواب بہت تھا

[Waqas Dar 7,060]

5 hours ago, Zarnish Ali said:

تعبیر جو مل جاتی
اک خواب بہت تھا

 

 

غزالہ تم تو واقف ھو کہو مجنوں کے مرنے کی
دیوانہ مر گیا آخر تو ویرانوں پہ کیا گزری