Mohabbaton mai hawas ky aseer hum bhi nahi

[Waqas Dar 7,050]

محبتوں میں حوس کے اسیر ہم بھی نہیں
غلط نہ جان کے اتنے حقیر ہم بھی نہیں
نہیں ہو تم بھی قیامت کی تند و تیز ہوا
کسی کے نقشِ قدم کی لکیر ہم بھی نہیں
ہماری ڈوبتی نبضوں سے زندگی تو نہ مانگ
سخی تو ہیں مگر اتنے امیر ہم بھی نہیں
شبِ سیاہ کے مہمان دار ٹہرے ہیں
وگرنہ تیرگیوں کے سفیر ہم بھی نہیں
ہمیں بجھا دے، ہماری انا کو قتل نہ کر
کہ بے ضرر ہی سہی، بے ضمیر ہم بھی نہیں
"محسن نقوی"