تم ابر گریزاں ھو .
کہنے کو تو ساگر ہو 
سنتے ہیں مسیحا ہو
تم تک کبھی پہنچیں گے
گر کوئی زریعہ ہو
بس ایک تمهی خواہش
تم ایک ہی ارماں ہو
پر تم سے کہیں کیسے
تم ، ابر گریزاں ہو 
........تم ابر گریزاں ہو
مانا نہیں اس قابل
تم چاہو محبت دو
ہم تم کو سدا چاہیں
بس اتنی اجازت دو
تم عشق تمهی پوجا
تم زیست کا عنواں ہو
پر تم سے کہیں کیسے
تم ابر گریزاں ہو
.......تم ابر گریزاں ہو
ھے خشک بہت مٹی
ہر سمت بگولے ہیں
صحرا کے بگولوں سے
اٹھتے ہی تو شعلے ہیں
تم کھل کے اگر برسو
صحرا میں گلستاں ھو
پر تم سے کہیں کیسے 
تم ابر گریزاں ہو
صحرا ہوں کہ کھنڈر ہوں
خاموش سمندر ھوں
جھانکو کبھی آنکھوں میں 
اک پیار کا ساگر ھوں 
اے کاش ، کبھی جانو 
تم درد کا درماں ھو
پر تم سے کہیں کیسے 
تم ، ابر گریزاں ھو
مل جاو اگر تم تو
ھم جشن منا ئیں گے
دھرتی نے نہ دیکھے ھوں 
وہ پھول کھلائیں گے 
آنکھوں میں اجالے ھوں 
ہر سمت چراغاں ھو 
پر تم سے کہیں کیسے 
تم، ابر گریزاں ھو