لغزشوں سے ماوراء تو بھی نہیں میں بھی نہیں

دونوں ہیں انساں خدا تو بھی نہیں میں بھی نہیں

جرم کی نوعیت میں تفاوت ہو تو ہو

در حقیقت پارسا تو بھی نہیں میں بھی نہیں

مصلحت نے کر دیا پیدا دونوں میں اختلاف

ورنہ فطرت کا برا تو بھی نہیں میں بھی نہیں

میں وفا کی راہ پہ گامزن تو جفا کی راہ پہ گامزن

مڑ کے پیچھے دیکھتا تو بھی نہیں میں بھی نہیں

رات بھی ویراں اور فصیلِ شہر بھی تو ٹوٹی ہوئی

اور ستم یہ کہ جاگتا تو بھی نہیں میں بھی نہیں

قتیل تو بھی تھا ضدی اور انا مجھ میں بھی تھی

دونوں تھے خود سر , جھکا تو بھی نہیں میں بھی نہیں