جس کا انکار بھی انکار نہ سمجھا جائے

[Urooj Butt👑]

جس کا انکار بھی انکار نہ سمجھا جائے
ہم سے وہ یارِطرحدار نہ سمجھا جائے
اتنی کاوش بھی نہ کر میری اسیری کے لیے
تو کہیں میرا گرفتار نہ سمجھا جائے
اب جو ٹھہری ہے ملاقات تو اس شرط کے ساتھ

شوق کو درخورِ اظہار نہ سمجھا جائے
نالہ بلبل کا جو سنتا ہے تو کھل اُٹھتا ہے گل
عشق کو مفت کی بیگار نہ سمجھا جائے
عشق کو شاد کرے غم کا مقدر بدلے
حسن کو اتنا بھی مختار نہ سمجھا جائے

بڑھ چلا آج بہت حد سے جنونِ گستاخ

 

اب کہیں اس سے سرِ دار نہ سمجھا جائے
دل کے لینے سے علی اُس کو نہیں ہے انکار
لیکن اس طرح کہ اقرار نہ سمجھا جائے

[waqas dar⚙]

 

 

اس کے ہونٹوں پہ بیٹھ کر تتلی 
سرخ پھولوں کو بھول جاتی ہے

[jannat malik👑]

[Urooj Butt👑]

THANKS ALL