poetry wo samne bhi aye tu dekha na ker usey

[waqas dar⚙]

وہ سامنے بھی آئے ــ تو دیکھا نہ کر اُسے
گر بچھڑ بھی جائے ــ تو سوچا نہ کر اُسے

اِک بار جو گیا ، سو گیا ـ ـ بُھول جا اُسے
وہ گمشُدہ خیال ہے ــ پیدا نہ کر اُسے

اب اُس کی بات خالی ہے ـ ـ معنی سے اَے مُنیرؔ
کہنے دے جو وہ کہتا ہے ــ روکا نہ کر اُسے

 

[Zarnish Ali👑]

وہ سراپا سامنے ہے، استعارے مسترد
چاند، جگنو، پھول، خوشبو اور ستارے مسترد

تذکرہ جن میں نہ ہو ان کے لب و رخسار کا
ضبط وہ ساری کتابیں، وہ شمارے مسترد

کشتیِ جاں کا ہے رشتہ جب کسی طوفان سے
سب جزیرے رائیگاں، سارے کنارے مسترد

اس کی خوشبو ہمسفر راہِ مسافت میں ہو گر
خواب، منظر، رہگزر، دریا، شرارے مسترد

جب کوئی بوئے وفا اُن میں نہیں باقی رہی
ساری سوغاتیں تمھاری، خط تمھارے مسترد

خاک و خوں کا دیکھنا ہی جب مقدر ہے ظفر
زندگی کے رنگ سارے ، سب نظارے مسترد

[waqas dar⚙]

 

‏عقل والا____ تیری دنیا سے پریشان گیا
عِشق والا تجھے ہر رنگ میں پہچان گیا

@Zarnish Ali

[jannat malik👑]

.....تمام رات میرے گھر کا ایک در کھلا رہا
..... میں راہ دیکھتا رہا, وہ راستہ بدل گیا
 

[waqas dar⚙]

تھکا گیا ہے مسلسل سفر اداسی کا
 اور اب بھی ہے میرے شانے پہ سر اداسی کا

وہ کون کیمیا گر تھا کہ جو بکھیر گیا
 تیرے گلاب سے چہرے پہ زر اداسی کا

میرے وجود کے خلوت کدے میں کوئی تو تھا
 جو رکھ گیا ہے دیا طاق پر اداسی کا

میں تجھ سے کیسے کہوں یار مہربان میرے
 کہ تو علاج نہیں میری ہر اداسی کا

یہ اب جو آگ کا دریا مرے وجود میں ہے
 یہی تو پہلے پہل تھا شرر اداسی کا

نہ جانے آج کہاں کھو گیا ستارہِ شام
 وہ میرا دوست میرا ہمسفر اداسی کا

فراز دیدہ پر آب میں نہ ڈھونڈ اسے
 کہ دل کی تہہ میں کہیں ہے گہر اداسی کا

[Zarnish Ali👑]

یہ جو دیوار پہ تصویر ہے ، یہ کچھ بھی نہیں
وه جو تصویر میں دیوار ہے ، کیا ٹینشن ہے ؟؟؟؟

[waqas dar⚙]

Bohaaat khooob   awalaaa zoooq e shairy  

---

New Content added Less than in a minutes & merged.

 

اتنے بے جان سہارے تو نہیں ہوتے ناں
 درد دریا کے کنارے تو نہیں ہوتے ناں

رنجشیں ہجر کا معیار گھٹا دیتی ہیں
 روٹھ جانے سے گزارے تو نہیں ہوتے ناں

راس رہتی ہے محبت بھی کئی لوگوں کو
 وہ بھی عرشوں سے اتارے تو نہیں ہوتے ناں

ہونٹ سینے سے کہاں بات چھپی رہتی ہے
 بند آنکھوں سے اشارے تو نہیں ہوتے ناں

ہجر تو اور محبت کو بڑھا دیتا ہے
 اب محبت میں خسارے تو نہیں ہوتے ناں

زین اک شخص ہی ہوتا ہے متاعِ جاں بھی
 دل میں اب لوگ بھی سارے تو نہیں ہوتے ناں