poetry لمحے کو بےوفا سمجھ لیجئے

[jannat malik 2,205]

……. (جون ایلیاء) ………

لمحے کو بےوفا سمجھ لیجئے
جاودانی ادا سمجھ لیجئے
میری خاموشئ مسلسل کو
اِک مسلسل گِلہ سمجھ لیجئے
آپ سے میں نے جو کبھی نہ کہا
اُس کو میرا کہا سمجھ لیجئے
جس گلی میں بھی آپ رہتے ہوں
واں مجھے جا بہ جا سمجھ لیجئے
آپ آ جایئے قریب مرے
مجھ کو مجھ سے جُدا سمجھ لیجئے
جو نہ پہنچائے آپ تک مجھ کو
آپ اُسے واسطہ سمجھ لیجئے
نہیں جب کوئی مدعا میرا
کوئی تو مدعا سمجھ لیجئے
جو کبھی حالِ حال میں نہ چلے
اُس کو بادِ صبا سمجھ لیجئے
جو کہیں بھی نہ ہو، کبھی بھی نہ ہو
آپ اُس کو خدا سمجھ لیجئے

…………………

[Waqas Dar 7,046]

Wahhhhh Awalaaaa    @Jannat malik

یہی تو محبت ہے یاروں کہ اب وہ 
 ہماری طرف کم سے کم دیکھتے ہیں