poetry Dard Sy Mere Hai Tujh Ko Beqarari Haye Haye

[waqas dar⚙]

Dard Sy Mere Hai Tujh Ko Beqarari Haye Haye

درد سے میرے ہے تجھ کو بیقراری ہائے ہائے
 کیا ہوئی ظالم تری غفلت شعاری ہائے ہائے

تیرے دل میں گر نہ تھا آشوب غم کا حوصلہ 
 تو نے پھر کیوں کی تھی میری غم گساری ہائے ہائے

کیوں مری غم خوارگی کا تجھ کو آیا تھا خیال
 دشمنی اپنی تھی میری دوست داری ہائے ہائے

عمر بھر کا تو نے پیمان وفا باندھا تو کیا
 عمر کو بھی تو نہیں ہے پائیداری ہائے ہائے

زہر لگتی ہے مجھے آب و ہوائے زندگی 
 یعنی تجھ سے تھی اسے نا سازگاری ہائے ہائے

گل فشانی ہائے ناز جلوہ کو کیا ہو گیا 
 خاک پر ہوتی ہے تیری لالہ کاری ہائے ہائے

شرم رسوائی سے جا چھپنا نقاب خاک میں 
 ختم ہے الفت کی تجھ پر پردہ داری ہائے ہائے

خاک میں ناموس پیمان محبت مل گئی 
 اٹھ گئی دنیا سے راہ و رسم یاری ہائے ہائے

ہاتھ ہی تیغ آزما کا کام سے جاتا رہا 
 دل پہ اک لگنے نہ پایا زخم کاری ہائے ہائے

کس طرح کاٹے کوئی شب ہائے تار برشگال 
 ہے نظر خو کردۂ اختر شماری ہائے ہائے

گوش مہجور پیام و چشم محروم جمال 
 ایک دل تس پر یہ نا امید واری ہائے ہائے

عشق نے پکڑا نہ تھا غالبؔ ابھی وحشت کا رنگ
 رہ گیا تھا دل میں جو کچھ ذوق خواری ہاے ہائے

مرزا غالب

 

[jannat malik👑]

Bohtttttt khooob 

[Anabiya Haseeb👑]

Ohfffff....

Ishq ny pakra na tha abi wehsat ka rang...

Bht bht awallla

[Zarnish Ali👑]

شمارِ سبحہ، مرغوبِ بتِ مشکل پسند آیا
تماشائے ‘بہ یک کف بردنِ صد دل‘ پسند آیا
بہ فیضِ بے دلی، نومیدئ جاوید آساں ہے
کشائش کو ہمارا عقدہِ مشکل پسند آیا
ہوائے سیرِگل، آئینہِ بے مہرئ قاتل
کہ اندازِ ‘بخوں غلطیدنِ بسمل‘ پسند آیا
مرزا اسداللہ غالب

[waqas dar⚙]

غالب کے ہاں محفل جمی تھی۔ ایک شاگرد نے ترنگ میں آکر مصرع کہا

شراب سیخ پہ ڈالی، کباب شیشے میں

اس مہمل مصرع پر سب چونک پڑے۔ چاروں طرف سے لعنت و ملامت شروع ہو گئی۔ مصرع کہنے والا بے چارہ گم سم سہمی فاختہ کی صورت ہر ایک کا منہ دیکھتا رہا۔

غالب سب سنتے رہے مگر خاموش رہے۔ جب سب اپنی اپنی کہہ چکے تو غالب نے متانت سے کہا۔
 ارے بھائی! آپ نے پورا شعر بھی تو سنا ہوتا۔ خیر اب مجھ سے سن لیجیئے۔

کسی کے آنے سے ساقی کے ایسے ہوش اڑے
 شراب سیخ پہ ڈالی، کباب شیشے میں