poetry Agar Be ....

[CraXy MaNo 3]

[Hareem Naz 1,577]

‏لوگ کہتے ہیں سمجھو تو خاموشیاں بھی بولتی ہیں

میں عرصے سے خاموش ہوں، وہ برسوں سے بےخبر..!!



[Waqas Dar 7,050]

وہ سِتم نہ ڈھائے تو کیا کرے اسے کیا خبر کہ وفا ہے کیا
تُو اسی کو پیار کرے ہے کیوں، یہ کلیمؔ تجھ کو ہُوا کیا
تجھے سنگدل یہ پتہ ہے کیا کہ دُکھے دلوں کی صدا ہے کیا
کبھی چوٹ تُو نے بھی کھائی ہے، کبھی تیرا دل بھی دُکھا ہے کیا
تُو رئیسِ شہرِ سِتم گراں، میں گدائے کُوچۂ عاشقاں
تُو امیر ہے، تو بتا مجھے میں غریب ہوں تو بُرا ہے کیا
تُو جفا میں مست ہے روز و شب، میں کفن بدوش غزل بلب
ترے رُعبِ حُسن سے چُپ ہیں سب، میں بھی چُپ رہوں تو مزا ہے کیا
یہ کہاں سے آئی ہے سُرخ رو، ہے ہر ایک جھونکا لہُو لہُو
کٹی جس میں گردنِ آرزُو، یہ اسی چمن کی ہوا ہے کیا
ابھی تیرا دورِ شباب ہے، ابھی کیا حساب و کتاب ہے
ابھی کیا نہ ہو گا جہان میں، ابھی اس جہاں میں ہُوا ہے کیا
یہی ہمنوا، یہی ہم سخن، یہی ہم نشاں، یہی ہم وطن
میری شاعری ہی بتائے گی، میرا نام کیا ہے پتہ ہے کیا۔۔۔۔۔۔۔

[Uzee Khan 292]

تجھے اے سنگدل پتہ کیا خاک ھے دکھی دلوں کا۔ جی چاہ رہاھے تیرا خون کردوں 

[Waqas Dar 7,050]

جیسے ہم جان ہی نہیں رکھتے 
موت کا اجتناب تو دیکھیے

[Sahrish Dar 517]

میں خود زمیں ہوں مگر ظرف آسمان کا ہے
کہ ٹوٹ کر بھی میرا حوصلہ چٹان کا ہے
بُرا نہ مان میرے حرف زہر زہر سہی
میں کیا کروں کہ یہی ذائقہ زبان کا ہے
ہر ایک گھر پہ مسلط ہے دِل کی ویرانی
تمام شہر پہ سایہ میرے مکان کا ہے
بچھڑتے وقت سے اب تک میں یوں نہیں رویا
وہ کہہ گیا تھا یہی وقت امتحان کا ہے
مسافروں کی خبر ہے نہ دُکھ ہے کشتی کا
ہوا کو جتنا بھی غم ہے وہ بادبان کا ہے
یہ اور بات عدالت ہے بے خبر ورنہ
تمام شہر میں چرچہ میرے بیان کا ہے
اثر دِکھا نہ سکا اُس کے دل میں اشک میرا
یہ تیر بھی کسی ٹوٹی ہوئی کمان کا ہے
بچھڑ بھی جائے مگر مجھ سے بدگمان بھی رہے
یہ حوصلہ ہی کہاں میرے بدگمان کا ہے
قفس تو خیر مقدر میں تھا مگر محسن
 ہوا میں شور ابھی تک میری اُڑان کا ہے