Raah e zindagani

[Hareem Naz 1,577]

 

میں راہِ زندگانی پر
قدم جب بھی بڑھاتا ہوں 
کہیں کانٹوں سے بچنا ہے 
کہیں دل کو کچلنا ہے 
کہیں اپنوں کی بے رخیاں 
کہیں غیروں کے طعنے ہیں 

میں تھک کر بیٹھ جاتا ہوں 
نگاہ اوپر اٹھاتا ہوں 
خدایا رستہ مشکل ہے 
میں ہمت کم ہی پاتا ہوں 

کہیں پھر پاس سے دل کے 
صدا اک خوب آتی ہے 
کہ راہیں جنّتوں کی کب 
بھلا آسان ہوتی ہیں ،،؟

کہیں صحرا کی تپتی ریت 
کہیں طائف کے پتھر ہیں 
کہیں اپنے ہی تلواریں لیے 
اس جاں کے در پے ہیں

اگرچہ ہے بہت مشکل 
مگر اس راہ سے پہلے بھی 
کتنے لوگ گزرے ہیں 
انہی قدموں پہ چلنا ہے 

کہ  پھر اک حسین منزل 
تمہاری منتظر ہو گی 
بس یہ یاد رکھنا تم  
منازل جب حسیں ہوں تو 
راہیں دشوار ہوتی ہیں ۔۔۔۔۔

[Waqas Dar 7,050]

....کیا خاک ترقی کی_______آج کی دنیا نے
....مریض عشق تو آج بھی لا علاج بیٹھے ہیں