جیسا بھی مل گیا ہمیں ویسا پہن لیا

[ROHAAN 71]

جیسا بھی مل گیا ہمیں ویسا پہن لیا

 

دریا نے کل جو چپ کا لبادہ پہن لیا
پیاسوں نے اپنے جسم پہ صحرا پہن لیا

 

وہ ٹاٹ کی قبا تھی کہ کاغذ کا پیرہن
جیسا بھی مل گیا ہمیں ویسا پہن لیا

 

فاقوں سے تنگ آئے تو پوشاک بیچ دی
عریاں ہوئے تو شب کا اندھیرا پہن لیا

 

گرمی لگی تو خود سے الگ ہو کے سو گئے
سردی لگی تو خود کو دوبارہ پہن لیا

 

بھونچال میں کفن کی ضرورت نہیں پڑی
ہر لاش نے مکان کا ملبہ پہن لیا

 

بیدل لباسِ زیست بڑا دیدہ زیب تھا
اور ہم نے اس لباس کو الٹا پہن لیا

[Waqas Dar 7,036]

وہ ایک خط جو تو نے کبھی لکھا ہی نہیں
میں روز بیٹھ کر اسکا جواب لکھتا ہوں