اب کہ تجدیدِ وفا کا نہیں امکاں جاناں

[Urooj Butt👑]

اب کہ تجدیدِ وفا کا نہیں امکاں جاناں
یاد کیا تجھ کو دلائیں ترا پیماں جاناں

یونہی موسم کی ادا دیکھ کے یاد آیا ہے 
کس قدر جلد بدل جاتے ہیں انساں جاناں

زندگی تیری عطا تھی تو ترے نام کی ہے
ہم نے جیسی بھی بسر کی ترا احساں جاناں

دل یہ کہتا ہے شاید ہو فسردہ تو بھی
دل کی کیا بات کریں دل تو ہے ناداں جاناں

اوّل اوّل کی محبت کے نشّے یاد تو کر
بے پئے بھی ترا چہرہ تھا گلستاں جاناں

آخر آخر تو یہ عالم ہے کہ اب یاد نہیں
رگِ مینا سلگ اٹھی کہ رگِ جاں جاناں

مدّتوں سے یہی عالم نہ توقّع نہ امید
دل پکارے ہی چلا جاتا ہے جاناں جاناں

ہم بھی کیا سادہ تھے ہم نے بھی سمجھ رکھا تھا
غمِ دوراں سے جدا ہے غمِ جاناں جاناں

اب کے کچھ ایسی سجی محفلِ یاراں جاناں
سر بہ زانو ہے کوئی سر بگریباں جاناں

ہر کوئی اپنی ہی آواز سے کانپ ا ٹھتا ہے
ہر کوئی اپنے ہی سائے سے ہراساں جاناں

جس کو دیکھو وہی زنجیر بپا لگتا ہے
شہر کا شہر ہوا داخلِ زنداں جاناں

اب ترا ذکر بھی شاید ہی غزل میں آئے
اور سے اور ہوئے درد کے عنواں جاناں

ہم کہ روٹھی ہوئی رت کو بھی منا لیتے تھے
ہم نے دیکھا ہی نہ تھا موسمِ ہجراں جاناں

ہوش آیا تو سبھی خواب تھے ریزہ ریزہ
جیسے ا ڑتے ہوئے اوراقِ پریشاں جاناں

 

[waqas dar⚙]

ﻣﺴﮑﺮﺍﮨﭧ ﺍُﺩﮬﺎﺭ ﺩﯾﻨﺎ ﺫﺭﺍ
ﮐﭽﮫ ﺳﺘﺎﺭﮮ ﺧﺮﯾﺪﻧﮯ ﮨﯿﮟ ﻣﺠﮭﮯ
ﺍﯾﮏ ﺁﻧﺴﻮ ﮐﺎ ﻣﻮﻝ ﮐﯿﺎ ﻟﻮ ﮔﮯ؟
ﺁﺝ ﺳﺎﺭﮮ ﺧﺮﯾﺪﻧﮯ ﮨﯿﮟ ﻣﺠﮭﮯ
ﺑﻮﻝ ﺗﺘﻠﯽ ﮐﮯ ﺩﺍﻡ ﮐﺘﻨﮯ ﮨﯿﮟ؟
ﺭﻧﮓ ﭘﯿﺎﺭﮮ ﺧﺮﯾﺪﻧﮯ ﮨﯿﮟ ﻣﺠﮭﮯ
ﺳﺮ ﺧﻮﺷﯽ ﻣﯿﮟ ﺟﻮ ﺑﯿﭻ ﺁﯾﺎ ﺗﮭﺎ
ﻏﻢ ﻭﮦ ﺳﺎﺭﮮ ﺧﺮﯾﺪﻧﮯ ﮨﯿﮟ ﻣﺠﮭﮯ
ﺯﻧﺪﮔﯽ ﮐﮯﺟﻮﺍﺭ ﺑﮭﺎﭨﮯ ﺳﮯ
ﮐﭽﮫ ﺷﺮﺍﺭﮮ ﺧﺮﯾﺪﻧﮯ ﮨﯿﮟ ﻣﺠﮭﮯ
ﻣﯿﮟ ﺳﻤﻨﺪﺭ، ﺧﺮﯾﺪ ﺑﯿﭩﮭﺎ ﮬُﻮﮞ
ﺍﺏ ﮐﻨﺎﺭﮮ ﺧﺮﯾﺪﻧﮯ ﮨﯿﮟ ﻣﺠﮭﮯ___

[jannat malik👑]

رکھا ہے ہم نے دل میں بڑے احترام سے
دیا ہے غم جو تم نے محبت کے نام سے