یہ خوش نظری خوش نظر آنے کے لئے ہے

[Urooj Butt 861]

یہ خوش نظری خوش نظر آنے کے لئے ہے 
اندر کی اداسی کو چھپانے کے لئے ہے

میں ساتھ کسی کے بھی سہی ، پاس ہوں تیرے
سب دربدری ایک ٹھکانے کے لئے ہے

ٹوٹے ہوئے خوابوں سے اٹھائی ہوئی دیوار
اِک آخری سپنے کو بچانے کے لئے ہے

اس راہ پہ اک عمر گزر آئے تو دیکھا
یہ راہ فقط لوٹ کے جانے کے لئے ہے

رہ رہ کے کوئی خاک اڑا جاتا ہے مجھ میں
کیا دشت ہے اور کیسے دِوانے کے لئے ہے

تجھ کو نہیں معلوم کہ میں جان چکا ہوں 
تو ساتھ فقط ساتھ نبھانے کے لئے ہے

تو نسلِ ہوا سے ہے بھلا تجھ کو خبر کیا 
وہ دکھ جو چراغوں کے گھرانے کے لئے ہے

( سعود عثمانی)

 

[Zarnish Ali 7,895]

zabardast

[Urooj Butt 861]

@Zarnish Ali thanksss

[Zarnish Ali 7,895]

@Urooj Butt welcome dear

[Waqas Dar 7,050]

kamaaaaaaaaal ka zoooq bahtreeen shairy  

 

 

اب یہی آخری حل ہے کہ مجھے ڈھال بنا
تیرے پاس اور کوئی تیر نہیں ہے میں ہوں