poetry حالتِ حال کے سبب، حالتِ حال ہی گئی

[jannat malik 2,205]

حالتِ حال کے سبب، حالتِ حال ہی گئی
شوق میں کچھ نہیں گیا، شوق کی زندگی گئی

ایک ہی حادثہ تو ہے، اور وہ یہ کہ آج تک
بات نہیں کہی گئی، بات نہیں سنی گئی

بعد بھی تیرے جانِ جاں، دل میں رہا عجب سماں
یاد رہی تری یہاں، پھر تری یاد بھی گئی

صحنِ خیالِ یار میں، کی نہ بسر شبِ فراق
جب سے وہ چاندنہ گیا، جب سے وہ چاندنی گئی

اس کے بدن کو دی نمود، ہم نے سخن میں اور پھر
اس کے بدن کے واسطے، ایک قبا بھی سی گئی

اس کی امیدِ ناز کا، ہم سے یہ مان تھا کہ آپ
عمر گزار دیجیے، عمر گزار دی گئی

اس کے وصال کے لیے، اپنے کمال کے لیے
حالتِ دل کہ تھی خراب، اور خراب کی گئی

تیرا فراق جانِ جاں، عیش تھا کیا مرے لیے
یعنی ترے فراق میں، خوب شراب پی گئی

اس کی گلی سے اٹھ کے میں، آن پڑا تھا اپنے گھر
ایک گلی کی بات تھی، اور گلی گلی گئی

جون ایلیا

۔۔۔۔۔۔۔۔۔۔۔۔۔۔۔۔

[Zarnish Ali 7,895]

Kamal

 

[Waqas Dar 7,050]

ﺍﺱ ﮐﮯ ﻏﻢ ﻣﯿﮟ ﮐﯿﺎ ﺳﺒﮭﯽ ﮐﻮ ﻣﻌﺎﻑ
 ﮐﻮﺋﯽ ﺷﮑﻮﮦ ﺑﮭﯽ ﺍﺏ ﮐﺴﯽ ﺳﮯ ﻧﮩﯿﮟ

(ﺟﻮﻥ ﺍﯾﻠﯿﺎﺀ)