نہ ہوئی گر مرے مرنے سے تسلّی نہ سہی

[jannat malik 2,205]

نہ ہوئی گر مرے مرنے سے تسلّی نہ سہی
امتحاں اور بھی باقی ہو تو یہ بھی نہ سہی

خار خارِ المِ حسرتِ دیدار تو ہے
شوق گلچینِ گلستانِ تسلّی نہ سہی

مے پرستاں خمِ مے منہ سے لگائے ہی بنے
ایک دن گر نہ ہوا بزم میں ساقی نہ سہی

نفسِ قیس کہ ہے چشم و چراغِ صحرا
گر نہیں شمعِ سیہ خانۂ لیلی نہ سہی

ایک ہنگامے پہ موقوف ہے گھر کی رونق
نوحۂ غم ہی سہی نغمۂ شادی نہ سہی

نہ ستائش کی تمنّا نہ صلے کی پروا
گر نہیں ہیں مرے اشعار میں معنی؟ نہ سہی

عشرتِ صحبتِ خوباں ہی غنیمت سمجھو
نہ ہوئی غالب اگر عمرِ طبیعی نہ سہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

[Anabiya Haseeb 2,533]

[Waqas Dar 7,046]

 

ghalib ko samjhna bohat mushkil hy or in ki poetry perh ker ajeeb sa hi maza aa jata reality jesa feel huta  thanks for sharing  

[Zarnish Ali 7,895]

شوق، ہر رنگ، رقیبِ سروسامان نکلا
قیس، تصویر کے پردے میں بھی، عریاں نکلا
زخم نے داد نہ دی تنگئ دل کی، یارب
تیر بھی سینہ بسمل سے پر اَفشان نکلا
بوئے گل، نالہ دل، دودِ چراغِ محفل
جو تری بزم سے نکلا، سو پریشاں نکلا
دلِ حسرت زدہ تھا، مائدہِ لذتِ درد
کام یاروں کا بقدرِ لب و دنداں نکلا
تھی نو آموزِ فنا، ہمتِ دشوار پسند
سخت مشکل ہے کہ یہ کام بھی آساں نکلا
دل میں پھر گریے نے اک شور اٹھایا غالب
آہ، جو قطرہ نہ نکلا تھا، سو طوفاں نکلا
مرزا اسداللہ غالب