poetry ہم تو جیسے وہاں کے تھے ہی نہیں

[jannat malik 2,205]

 

ہم تو جیسے وہاں کے تھے ہی نہیں
بےاماں تھے، اماں کے تھے ہی نہیں

ہم کہ ہیں تیری داستاں یکسر
ہم تیری داستاں کے تھے ہی ںہیں

ان کو آندھی میں ہی بکھرنا تھا
بال و پر آشیاں کے تھے ہی نہیں

اب ہمارا مکان کس کا ہے؟
ہم تو اپنے مکاں کے تھے ہی نہیں

ہو تیری خاکِ آستاں پہ سلام
ہم تیرے آستاں کے تھے ہی نہیں

ہم نے رنجش میں یہ نہیں سوچا
کچھ سخن تو زباں کے تھے ہی نہیں

دل نے ڈالا تھا درمیاں جن کو
لوگ وہ درمیاں کے تھے ہی نہیں

اس گلی نے یہ سن کے صبر کیا
جانے والے یہاں کے تھے ہی نہیں
جون ایلیا

[Anabiya Haseeb 2,533]

Lajawab !!!

[jannat malik 2,205]

شکریہ

[Waqas Dar 7,046]