سفر تنہا نہیں کرتے

[Zarnish Ali 7,894]

سفر تنہا نہیں کرتے
سنو ایسا نہیں کرتے
جسے شفاف رکھنا ہو
اُسے میلا نہیں کرتے
تیری آنکھیں اجازت دیں
تو ہم کیا نہیں کرتے
بہت اُجڑے ہوئے گھر پر
بہت سوچا نہیں کرتے
سفر جس کا مقدر ہو
اُسے روکا نہیں کرتے
جو مل کر خود سے کھو جائے
اسے رسوا نہیں کرتے
یہ اُونچے پیڑ کیسے ہیں
کہیں سایہ نہیں کرتے
کبھی ہسنے سے ڈرتے ہیں
کبھی رویا نہیں کرتے
تیر آنکھوں کو پڑھتے ہیں
تجھے دیکھا نہیں کرتے
چلو تم راز ہو اپنا
تمہیں افشا نہیں کرتے
سحر سے پوچھ لو محسن
ہم سویا نہیں کرتے
محسن نقوی

[jannat malik 2,205]

Waaahhhh kmaaallll

 

مغرور ہی سہی، مجھے اچھا بہت لگا
وہ اجنبی تو تھا مگر اپنا بہت لگا
روٹھا ہوا تھا ہنس تو پڑا مجھ کو دیکھ کر
مجھ کو تو اس قدر بھی دلاسا بہت لگا
صحرا میں جی رہا تھا جو دریا دلی کے ساتھ
دیکھا جو غور سے تو وہ پیاسا بہت لگا
وہ جس کے دم قدم سے تھیں بستی کی رونقیں
بستی اجڑ گئی تو اکیلا بہت لگا
لپٹا ہوا کہر میں ہو جیسے خزاں کا چاند
میلے لباس میں بھی وہ پیارا بہت لگا
ریشم پہن کے بھی مری قیمت نہ بڑھ سکی
کھدر بھی اس کے جسم پہ مہنگا بہت لگا
محسن جب آئینے پہ میری سانس جم گئی
مجھ کو خود اپنا عکس بھی دھندلا بہت لگا

[Zarnish Ali 7,894]

khoob

[Kainat Khan 755]

واہ

[Waqas Dar 7,036]

 

پھر تیری یاد کے موسم نے جگائے محشر
پھر میرے دل میں اٹها شور ہواؤں جیسا
بارہا خواب میں پا کر مجھے پیاسا محسن
اس کی زلف نے کیا رقص گھٹاؤں جیسا