poetry اب وہ گھر اک ویرانہ تھا بس ویرانہ زندہ تھا

[Waqas Dar 7,046]

اب وہ گھر اک ویرانہ تھا بس ویرانہ زندہ تھا

 

 

اب وہ گھر اک ویرانہ تھا بس ویرانہ زندہ تھا
سب آنکھیں دم توڑ چکی تھیں اور میں تنہا زندہ تھا

ساری گلی سنسان پڑی تھی باد فنا کے پہرے میں
ہجر کے دالان اور آنگن میں بس اک سایہ زندہ تھا

وہ جو کبوتر اس موکھے میں رہتے تھے کس دیس اڑے
ایک کا نام نوازندہ تھا اور اک کا بازندہ تھا

وہ دوپہر اپنی رخصت کی ایسا ویسا دھوکا تھی
اپنے اندر اپنی لاش اٹھائے میں جھوٹا زندہ تھا

تھیں وہ گھر راتیں بھی کہانی وعدے اور پھر دن گننا
آنا تھا جانے والے کو جانے والا زندہ تھا

دستک دینے والے بھی تھے دستک سننے والے بھی
تھا آباد محلہ سارا ہر دروازہ زندہ تھا

پیلے پتوں کو سہ پہر کی وحشت پرسا دیتی تھی
آنگن میں اک اوندھے گھڑے پر بس اک کوا زندہ تھا

 

[jannat malik 2,205]

ہم نہ کرنے کے کام کرتے ہیں
اور عجب طرح کر گزرتے ہیں
مارڈالیں اسے یہ ہے مقصود
سو میاں جی ہم اس پہ مرتے ہیں
میں‌ہوں اس شہر میں مقیم جہاں
اپنے ہونے سے لوگ ڈرتے ہیں
رنگ ہی کیا ترے سنورنے کا
ہم لہو تھوک کر سنورتے ہیں
اپنے گنگ و جمن میں زہر تھا کیا؟
ہم سمندر کا دم جو بھرتے ہیں
ناؤ سمجھیں بھنور کو جونؔ جو لوگ
بس وہی ڈوب کر ابھرتے ہیں
....................
 

[Waqas Dar 7,046]

ایک دیا میری قبر پہ_______ بھی 
جلا جانا...!!! 
لوگ یہ نہ کہیں_______کہ
اس کا کوئی نہیں