اپنی تنہائی مِرے نام پہ آباد کرے

[Zarnish Ali👑]

اپنی تنہائی مِرے نام پہ آباد کرے 
کون ہوگا جو مُجھے اُس کی طرح یاد کرے
دل عجب شہر کہ جس پر بھی کھُلا در اِس کا
وہ مُسافر اِسے ہر سمت سے برباد کرے
اپنے قاتل کی ذہانت سے پریشان ہُوں میں
روز اِک موت نئے طرز کی ایجاد کرے
اتنا حیراں ہو مِری بے طلبی کے آگے
وا قفس میں کوئی در خود میرا صیّاد کرے
سلبِ بینائی کے احکام ملے ہیں جو کبھی
روشنی چُھونے کی خواہش کوئی شب زاد کرے
سوچ رکھنا، بھی جرائم میں ہے شامل اب تو
وہی معصوم ہے، ہربات پہ جو صاد کرے
جب لہو بول پڑے اُس کی گواہی کے خلاف
قاضی شہر کچھ اِس بات میں ارشاد کرے
اُس کی مُٹّھی میں بہت روز رہا میرا وجود
میرے ساحر سے کہو اب مجھے آزاد کرے

[Zarnish Ali👑]

کسی صورت بھی نیند آتی نہیں، میں کیسے سو جاؤں
کوئی شے دل کو بہلاتی نہیں، میں کیسے سو جاؤں

اکیلا پا کے مجھ کو یاد اُن کی آ تو جاتی ہے
مگر پھر لوٹ کر جاتی نہیں، میں کیسے سو جاؤں

جو خوابوں میں مرے آ کر تسلّی مجھ کو دیتی تھی
وہ صورت اب نظر آتی نہیں، میں کیسے سو جاؤں

تمہیں تو ہو شبِ غم میں جو میرا ساتھ دیتے ہو
ستارو تم کو نیند آتی نہیں، میں کیسے سو جاؤں

جسے اپنا سمجھنا تھا وہ آنکھ اب اپنی دشمن ہے
کہ یہ رونے سے باز آتی نہیں، میں کیسے سو جاؤں

تری تصویر جو ٹوٹے ہوئے دل کا سہارا تھی
نظر وہ صاف اب آتی نہیں، میں کیسے سو جاؤں

گھٹا جو دل سے اُٹھتی ہے مژہ تک آ تو جاتی ہے
مگر آنکھ اس کو برساتی نہیں، میں کیسے سو جاؤں

ستارے یہ خبر لائے کہ اب وہ بھی پریشاں ہیں
سنا ہے اُن کو نیند آتی نہیں، میں کیسے سو جاؤں

[Zarnish Ali👑]

‏ہر وقت فضاؤں میں محسوس کرو گے تم___!!
‏میں پیار کی خوشبو ہوں, مہکوں گی زمانوں تک

[Zarnish Ali👑]

مدتوں کے بعد کی خوشبو نے مجھ سے گفتگو
مدتوں کے بعد مہکے زندگی کے دائرے

[Zarnish Ali👑]

ﺍﮔﺮ ﮨﻢ ﺩﻭﺭ ﮨﻮ ﺟﺎﺋﯿﮟ
ﮐﮩﯿﮟ ﺩﻧﯿﺎ ﻣﯿﮟ ﮐﮭﻮﺟﺎﺋﯿﮟ
ﺑﺘﺎﺅ ﮐﯿﺎ ﮐﺮﻭ ﮔﮯ ﺗﻢ
ﮨﻤﯿﮟ ﮈﮬﻮﻧﮉﻭ ﮔﮯ ﯾﺎ
ﭘﮭﺮ ﺑﮭﻮﻝ ﺟﺎﺅ ﮔﮯ
ﮨﻤﯿﮟ ﺁﻭﺍﺯ ﺩﻭ ﮔﮯ
ﯾﺎ ﮐﺴﯽ ﮔﺰﺭﯼ ﮐﮩﺎﻧﯽ ﻣﯿﮟ
ﮨﻤﺎﺭﺍ ﻧﺎﻡ ﻟﮑﮫ ﺩﻭ ﮔﮯ؟؟
ﭼﻠﻮ ﺍﯾﺴﺎ ﮨﯽ ﮐﺮ ﻟﯿﻨﺎ
ﺗﻢ ﺧﻮﺩ ﺑﮭﯽ ﺑﺪﻝ ﺟﺎﻧﺎ
ﮨﻤﯿﮟ ﺗﻢ ﺑﮭﻮﻝ ﮨﯽ ﺟﺎﻧﺎ
ﻣﮕﺮ ﺍﺗﻨﯽ ﮔﺬﺍﺭﺵ ﮨﮯ
ﮨﻤﺎﺭﺍ ﺫﮐﺮ ﺟﺐ ﺁﺋﮯ
ﺗﻮ ﺗﮭﻮﮌﺍ ﻣﺴﮑﺮﺍ ﺩﯾﻨﺎ
ﺧﻮﺷﯽ ﮐﺎ ﮨﻮ ﮐﮧ ﻏﻢ ﮐﺎ ﮨﻮ
ﺑﺲ ﺍﮎ ﺁﻧﺴﻮ ﮔﺮﺍ ﺩﯾﻨﺎ

[Zarnish Ali👑]

جب درد حد سے بڑھ جاتا ہے
اور تیری یادوں کے سلسلے
میری دُعاؤں کے دھاگے لے کر
ایک دھنک کی ڈوری بُنتے ہے
میری دُعاؤں کی ڈور سے بندھی
تیری ان گنت خواہشوں کی پتنگ
میری تحریروں کی ہواؤں کے سہارے
جب آسمانوں میں پرواز کرتی ہے
تب خاموشی ساتھ دیتی ہے

[Zarnish Ali👑]

‏اثر بھی لے رہا ہوں تیری چپ کا
تجھے قائل بھی کرتا جا رہا ہوں ۔۔
---
فراق گورکھپوری

[waqas dar⚙]

سوچتا ہوں اسے کوئی ایک نام دے ہی دوں 
زندگی نہ سہی بس ایک شام دے ہی دوں

[Zarnish Ali👑]

دل هو چکا هے واقفِ انجامِ زندگی
کس دل سے زندگی کی تمنّا کرے کوئی ..........!!!

[Zarnish Ali👑]

شام سے پہلے مَرتے ھیں یا, آخرِ شب تک جیتے ھیں
تیرے بغیر نہ جینے والے دیکھیے کب تک جیتے ھیں