ﺁﮦ ﮐﻮ ﭼﺎﮨﯿﮯ ﺍِﮎ ﻋُﻤﺮ ﺍﺛﺮ ﮨﻮﻧﮯ ﺗﮏ

[Zarnish Ali👑]

غزل" - - - - - ("مرزا اسد اللہ خان غالب")

ﺁﮦ ﮐﻮ ﭼﺎﮨﯿﮯ ﺍِﮎ ﻋُﻤﺮ ﺍﺛﺮ ﮨﻮﻧﮯ ﺗﮏ
ﮐﻮﻥ ﺟﯿﺘﺎ ﮨﮯ ﺗﺮﯼ ﺯُﻟﻒ ﮐﮯ ﺳﺮ ﮨﻮﻧﮯ ﺗﮏ

ﺩﺍﻡِ ﮨﺮ ﻣﻮﺝ ﻣﯿﮟ ﮨﮯ ﺣﻠﻘۂ ﺻﺪ ﮐﺎﻡِ ﻧﮩﻨﮓ
ﺩﯾﮑﮭﯿﮟ ﮐﯿﺎ ﮔُﺰﺭﮮ ﮨﮯ ﻗﻄﺮﮮ ﭘﮧ ﮔُﮩﺮ ﮨﻮﻧﮯ ﺗﮏ

ﻋﺎﺷﻘﯽ ﺻﺒﺮ ﻃﻠﺐ ، ﺍﻭﺭ ﺗﻤﻨّﺎ ﺑﯿﺘﺎﺏ
ﺩﻝ ﮐﺎ ﮐﯿﺎ ﺭﻧﮓ ﮐﺮﻭﮞ ﺧﻮﻥِ ﺟﮕﺮ ﮨﻮﻧﮯ ﺗﮏ

ﮨﻢ ﻧﮯ ﻣﺎﻧﺎ ﮐﮧ ﺗﻐﺎﻓﻞ ﻧﮧ ﮐﺮﻭ ﮔﮯ ، ﻟﯿﮑﻦ
ﺧﺎﮎ ﮨﻮ ﺟﺎﺋﯿﮟ ﮔﮯ ﮨﻢ، ﺗﻢ ﮐﻮ ﺧﺒﺮ ﮨﻮﻧﮯ ﺗﮏ

ﭘﺮﺗﻮِ ﺧُﻮﺭ ﺳﮯ ، ﮨﮯ ﺷﺒﻨﻢ ﮐﻮ ﻓﻨﺎ ﮐﯽ ﺗﻌﻠﯿﻢ
ﻣﯿﮟ ﺑﮭﯽ ﮨﻮﮞ ، ﺍﯾﮏ ﻋﻨﺎﯾﺖ ﮐﯽ ﻧﻈﺮ ﮨﻮﻧﮯ ﺗﮏ

ﯾﮏ ﻧﻈﺮ ﺑﯿﺶ ﻧﮩﯿﮟ ﻓُﺮﺻﺖِ ﮨﺴﺘﯽ ﻏﺎﻓﻞ !
ﮔﺮﻣﺊِ ﺑﺰﻡ ﮨﮯ ﺍِﮎ ﺭﻗﺺِ ﺷﺮﺭ ﮨﻮﻧﮯ ﺗﮏ

ﻏﻢِ ﮨﺴﺘﯽ ﮐﺎ ، ﺍﺳﺪؔ ! ﮐﺲ ﺳﮯ ﮨﻮ ﺟُﺰ ﻣﺮﮒ ، ﻋﻼﺝ
ﺷﻤﻊ ﮨﺮ ﺭﻧﮓ ﻣﯿﮟ ﺟﻠﺘﯽ ﮨﮯ ﺳﺤﺮ ﮨﻮﻧﮯ ﺗﮏ

 

[Zarnish Ali👑]

دہر میں نقشِ وفا وجہِ تسلی نہ ہوا
ہے یہ وہ لفظ، کہ شرمندہِ معنی نہ ہوا
سبزہِ خط سے تراکاکُلِ سرکش نہ دبا
یہ ُزمُرد بھی حریفِ دم افعی نہ ہوا
میں نے چاہا، کہ اندوہِ وفا سے چھوٹوں
وہ ستمگر مرے مرنے پہ بھی راضی نہ ہوا
دل گزر گاہِ خیالِ مے و ساغر ہی سہی
گر نَفَس جادہِ سرمنزلِ تقوِی نہ ہوا
ہوں ترے وعدہ نہ کرنے پر بھی، راضی، کہ کبھی
گوش منت کشِ گلبانگِ تسلی نہ ہوا
کس سے محرومئ قسمت کی شکایت کیجیے
ہم نے چاہاتھاکہ مر جائیں، سو وہ بھی نہ ہوا
مر گیا صدمہِ یک جنبش؟ لب سے غالب
ناتوانی سے حریفِ دم عیسِی نہ ہوا
مرزا اسداللہ غالب

[Zarnish Ali👑]

دھمکی میں مر گیا، جو نہ بابِ نبرد تھا
عشقِ نبرد پیشہ، طلبگار؟ مرد تھا
تھا زندگی میں مرگ کا کھٹکا لگا ہوا
اڑنے سے پیشتر بھی میرا رنگ زرد تھا
تالیفِ نسخہ ہائے وفا کر رہا تھا میں
مجموعہِ خیال ابھی فرد فرد تھا
دل تاجگر، کہ ساحلِ دریائے خوں ہے اب
اس رہ گزر میں جلوہِ گل، آگے گرد تھا
جاتی ہے کوئی؟ کشمکش اندوہِ عشق کی
دل بھی اگر گیا، تو وُہی دل کا درد تھا
احباب چارہ سازئ وحشت نہ کر سکے
زنداں میں بھی خیال، بیاں نورد تھا
یہ لاشِ بے کفن اسدِ خستہ جان کی ہے
حق مغفرت کرے عجب آزاد مرد تھا
مرزا اسداللہ غالب