poetry Itni Mudat Baad Mile Hu Kin Socho Mai Ghum Rahte Hu

[Sahrish Dar 516]

Itni Mudat Baad Mile Hu Kin Socho Mai Ghum Rahte Hu

اِتنی مُدت بعد ملے ہو
 کن سوچوں میں گم رہتے ہو

اِتنے خائف کیوں رہتے ہو
 ہر آہٹ سے ڈرتے ہو

تیز ہَوا نے مجھ سے پوچھا
 ریت پہ کیا لکھتے رہتے ہو

کاش کوئی ہم سے بھی پوچھے
 رات گئے تک کیوں جاگے ہو

میں دریا سے بھی ڈرتا ہوں
 تم دریا سے بھی گہرے ہو

کون سی بات ہے تم میں ایسی
 اِتنے اچھے کیوں لگتے ہو

پیچھے مڑ کر کیوں دیکھا تھا
 پتھر بن کر کیا تکتے ہو

جاؤ جیت کا جشن مناؤ
 میں جھوٹا ہوں تم سچے ہو

اپنے شہر کے سب لوگوں سے
 میری خاطر کیوں اُلجھے ہو

کہنے کو رہتے ہو دل میں
 پھر بھی کتنے دُور کھڑے ہو

رات ہمیں کچھ یاد نہیں تھا
 رات بہت ہی یاد آئے ہو

ہم سے نہ پوچھو ہجر کے قصے
 اپنی کہو اب تم کیسے ہو

محسن تم بدنام بہت ہو
 جیسے ہو پھر بھی اچھے ہو

محسن نقوی

[Zarnish Ali 7,894]

khoob Safa mughal 

[Waqas Dar 7,036]

awaalaaaa