Entry posted by Waqas Dar
1,011 views
Roosh Roosh Py Hain Nikhat Fashan, Ghulab Ky Phol
رَوش رَوش پہ ھیں نکہت فشاں ، گُلاب کے پھول
حسیں گلاب کے پھول ، ارغواں گُلاب کے پھول
اُفق اُفق پہ زمانوں کی دُھند سے اُبھرے
طّیور، نعمے ، ندی ، تتلیاں ، گلاب کے پھول
کس انہماک سے بیٹھی کشید کرتی ھے
عروسِ گُل بہ قبائے جہاں ، گلاب کے پھول
جہانِ گریہ شبنم سے کس غرور کے ساتھ
گزر رھے ھیں ، تبسّم کناں ، گلاب کے پھول
یہ میرا دامنِ صد چاک ، یہ ردائے بہار
یہاں شراب کے چھینٹے وھاں ، گلاب کے پھول
کسی کا پُھول سا چہرہ اور اس پہ رنگ افروز
گندھے ھوئے بہ خمِ گیسواں ، گلاب کے پھول
خیالِ یار ! تیرے سلسلے نشوں کی رُتیں
جمالِ یار ! تیری جھلکیاں گلاب کے پھول
میری نگاہ میں , دورِ زماں کی ھر کروٹ
لہو کی لہر ، دِلوں کا دُھواں ، گلاب کے پھول
سلگتے جاتے ھیں ، چُپ چاپ ھنستے جاتے ھیں
مثالِ چہرۂ پیغمبراں ، گلاب کے پھول
یہ کیا طلسم ھے ، یہ کس کی یاسمیں بانہیں ؟؟
چھڑک گئی ھیں جہاں در جہاں ، گلاب کے پھول
کٹی ھے عمر ، بہاروں کے سوگ میں اَمجد
مری لحد پہ کھلیں , جاوداں گلاب کے پھول
”مجید امجد“
1 Comment
Recommended Comments
Join the conversation
You are posting as a guest. If you have an account, sign in now to post with your account.
Note: Your post will require moderator approval before it will be visible.