Entry posted by Zarnish Ali
1,087 views
اے مِری ذات کے سکُوں ! آ جا
تھم نہ جائے کہیں جنوں ' آ جا
رات سے ایک سوچ میں گُم ہوں
کس بہانے تجھے کہوں' آ جا
ہاتھ جس موڑ پر چُھڑایا تھا
میں وہیں پر ہوں سَر نِگوں' آ جا
یاد ہے سُرخ پھول کا تحفہ ؟
ہو چلا وہ بھی نیل گُوں ' آ جا
چاند تاروں سے کب تلَک آخر
تیری باتیں کِیا کروں ' آ جا
اپنی وَحشت سے خوف آتا ہے
کب سے ویراں ہے اَندرُوں ' آ جا
اس سے پہلے کہ مَیں اذیّت میں
اپنی آنکھوں کو نوچ لوں ' آ جا
دیکھ ! 'مَیں' یاد کر رہی ہوں تجھے
پھر میں یہ بھی نہ کر سکوں' آ جا
( فریحہؔ نقوی )
0
0 Comments
Recommended Comments
There are no comments to display.
Join the conversation
You are posting as a guest. If you have an account, sign in now to post with your account.
Note: Your post will require moderator approval before it will be visible.