Kisse kahoon

[Waqas Dar 7,050]

غزل
شائستہ سحر

رگوں میں خون نہ پانی کہوں تو کس,سے کہوں
رکی ہے دل کی روانی کہوں تو کس سے کہوں

یہ تو نے ڈال دیا مجھ کو کیسی الجھن میں
کہ اس میں جان ہے جانی کہوں تو کس سے کہوں

اے دوست مجھ کو یہ کن راستوں میں چھوڑ گیا.
جہاں پہ چھاؤں نہ پانی کہاں تو کس سے کہوں

یہ تیرے درد کی دولت بنی ہے سرمایہ
چھپاؤں کیسے نشانی کہوں تو کس سے کہوں

جو چاند بن کے مرے ساتھ ساتھ چلتا رہا
بنا ہے دشمنِ جانی کہوں تو کس سے کہوں

مجھے تو بھول گئیں ہیں قرار راتیں سب
مگر وہ رات کی رانی کہوں تو,کس سے کہوں

اسے تھی شاید جلدی بہت بچھڑنے کی
سو اس نے ایک نہ مانی کہوں تو,کس سے کہوں